• May 27, 2024
  • Ang Diyaryong Pinagkakatiwalaan

Archive for January 7th, 2021

‘Mga Pinoy na babalik sa Phl, maka-quarantine pa rin kahit naturukan na ng covid vaccine sa ibang bansa’

Posted on: January 7th, 2021 by @peoplesbalita No Comments

Nilinaw ngayon ng Bureau of Immigration (BI) na hindi pa rin ligtas sa 14-day quarantine ang mga paparating na mga Pinoy sa bansa kahit negatibo na sa swab test at kahit nabakunahan pa ng Coronavirus disease 2019 (COVID-19) vaccine sa ibang bansa.

 

 

Ayon kay BI Immigration Spokesperson Dana Sandoval, sa ngayon daw kasi ay wala pa raw guidelines kaugnay ng mga indibidwal na nabakunahan na ng vaccine kaya kailangan pa rin nilang sumailalim sa quarantine.

 

 

Maging ang mga indibidwal na mayroong negatibong resulta ng RT-PCR test ay kailangan ding mag-quarantine pagdating ng bansa.

 

 

Pero patuloy na ang pakikipag-ugnayan ng BI sa iba pang polisiya ng Inter Agency Task Force (IATF) para sa mga bagong panuntunan ng pamahalaan sa mga paparating na Pinoy o mga banyaga.

 

 

Una rito, Sa panayam ng Bombo Radyo Philippines kay BI Spokesperson Dana Sandoval, sinabi nitong agad namang nilang pinababalik sa kanilang point of origin ang mga pasaherong galing sa 21 na bansa.

 

 

Dagdag niya, lahat daw ng mga paparating na mga biyaherong galing sa naturang mga bansang mayroong bagong strain ng sakit ay hindi pa papababain sa kanilang mga sinakyang eroplano at agad silang pababalikin gamit din ang parehong flight.

 

 

Kaugnay nito, makikipag-ugnayan din umano ang BI sa Bureau of Quarantine (BoQ) para malaman kung mayroon na bang mga Pilipinong nakapasok sa bans ang mayroong sintomas ng nakamamatay na sakit.

 

 

Kung maalala nagpatupad na ang bansa ng travel ban sa mga pasaherong galing mula sa 21 bansa na mayroon nang bagong variant ng COVID-19 virus.

 

 

Ang naturang ban ay epektibo na noong Disyembre 30 noong nakaraang taon at magtaapos sa Enero 15 ngayong taon.

 

 

Kabilang dito ang mga bansang UK, Denmark, Ireland, Japan, Australia, Israel, The Netherlands, Hong Kong, Switzerland, France, Germany, Iceland, Italy, Lebanon, Singapore, Sweden, South Korea, South Africa, Canada at Spain maging ang Estados Unidos. (ARA ROMERO)

PSG ‘handang makulong’ sa smuggled vaccines

Posted on: January 7th, 2021 by @peoplesbalita No Comments

Muling sinalag ng Palasyo ang mga kritisismong natatanggap ng Presidential Security Group (PSG) sa pagtuturok ng bakunang hindi rehistrado sa Food and Drug Administration (FDA), bagay na kanilang nagawa lang daw upang matiyak na ‘di dapuan ng coronavirus disease (COVID-19) ang presidente.

 

 

Sa media briefing ni presidential spokesperson Harry Roque, kanyang idiniin na handang mamatay ang security ni Pangulong Rodrigo Duterte mapanatili lang siyang ligtas — kung kaya’t natitiyak niyang handa silang makalaboso kung kakailanganin.

 

 

“Lahat ng pananagutan sasagutin po ‘yan ng PSG… [K]ung kamatayan nga tatanggapin nila para sa presidente, ano ba naman ‘yung kulong na posible?” ani Roque, Lunes.

 

 

“Basta sila ginawa nila ang katungkulan [nila]. Isa po ako sa talagang humahanga sa ginawa ng PSG.”

 

 

Hindi naman masagot nang diretso ni Roque ang tanong kung pinapalakpakan ng Malacañang ang “posibleng paglabag ng security detail ni Duterte sa batas.”

 

 

Sa ilalim ng Republic Act 9711, o FDA Act of 2009, ipinagbabawal ang sumusunod:

 

 

“The manufacture, importation, exportation, sale, offering for sale, distribution, transfer, non-consumer use, promotion, advertisement, or sponsorship of any health product which, although requiring registration, is not registered with the FDA pursuant to this Act.”

 

 

Makikipag-ugnayan na ang National Bureau of Investigation (NBI) sa PSG ngayong Lunes habang sinisimulan na nito ang imbestigasyon sa paggamit ng mga ipinagbabawal na Chinese vaccines.

 

 

Una nang sinabi ni Roque na “walang iligal” sa paggamit ng naturang bakuna, kahit na mismong FDA na ang nagsabing iligal ang pagtuturok nito nang walang pahintulot mula sa kanilang tanggapan.

 

 

“Yes, I don’t think it was a mistake to protect the president [from COVID-19]. If there’s whatever accountability, sasagutin po ‘yan ng PSG,” diin pa ng tagapagsalita ng presidente.

 

 

Sino ba talaga ang nagpasok?

 

 

Samantala, ayaw pa ring maglabas ng detalye ang Palasyo patungkol sa kung sino ang entity na nagpasok ng COVID-19 vaccine — na una nang tinukoy na galing sa Sinopharm at ibinigay din daw sa kasundaluhan.

 

 

“It’s immaterial [kung saan nanggaling]. Ang material dito, isinugal nila ang mga buhay nila para protektahan ang presidente. Full stop. That’s their business,” sambit pa ni Roque.

 

 

Iligal ang importasyon ng bakunang walang rehistro sa FDA, at may kaukulang kulong at multang parusa sa lalabag.

 

 

Una nang sinabi ni Defense Secretary Delfin Lorenzana na ipinuslit, o ini-smuggle, ang mga nasabing gamot sa Pilipinas.

 

 

Sa kabila nito, naninindigan din si Lorenzana na “justified” ang ginawa ng mga otoridad na sangkot dito.

 

 

“Yes smuggled, because they were not authorized, only the government can authorize,” ayon sa kalihim.

 

 

“It is justified … it will protect them so they will not be infected and at the same time they can protect the president.”

 

 

Sinabi na noon ni PSG head Brig. Gen. Jesus Durante na ilang unit members nila ang gumamit ng COVID-19 vaccines “in good faith,” at tska na lamang sinabihan si Duterte. (Daris Jose)

IATF technical working group, pag-uusapan na kung dadagdagan ang listahan ng ‘travel ban’

Posted on: January 7th, 2021 by @peoplesbalita No Comments

Nakatakdang magpulong ngayong Lunes ang technical working group ng mga ahensyang miyembro ng Inter-Agency Task Force on Emerging Infectious Diseases (IATF-EID) kaugnay ng posibilidad na pagpapataw ng travel ban sa iba pang bansa na nag-ulat ng bagong COVID-19 variant.

 

“Ngayong hapon, may technical working group meeting ang IATF, yung mga Technical representatives will be discussing this additional list and what would be the government response aside from the additional countries to be included in the restrictions for travel,” ani Health Usec. Maria Rosario Vergeire.

 

Pahayag ito ng opisyal matapos madagdagan ang bilang ng mga bansang may bagong variant ng coronavirus disease na unang kumalat sa United Kingdom.

 

Ani Vergeire, isa sa mga nagiging hamon sa kanilang hanay ngayon ay ang pag-kumpirma sa mga ulat dahil hindi pa naglalabas ng opisyal na anunsyo ang pamahalaan ng ibang estado.

 

“Mayroon kami ngayong anim na countries na mayroon na tayo from their government website we were able to get confirmation but through the focal point wala pa kaming nare-receive any response kaya we are having a hard time confirming especially the other countries.”

 

Kamakailan nang magpatupad ng travel ban ang Pilipinas mula sa foreign travelers ng UK, Ireland, Japan, Australia, Israel, The Netherlands, Hong Kong, Switzerland, France, Germany, Iceland, Italy, Lebanon, Singapore, Sweden, South Korea, South Africa, Canada, at Spain.

 

Pinaka-huling isinama sa listahan ang Amerika.

 

“Isa sa nagiging delays or challenge we are facing would be the confirmation from specific countries.”

 

Ayon sa British health experts, mas nakakahawa ang bagong variant ng sakit. Pero wala pang ebidensya na mas nakamamatay ito kumpara sa variant na unang kumalat sa mga bansa.

 

Batay sa tala ng DOH, umabot na sa 477,807 ang total ng COVID-19 cases sa Pilipinas.

3 players pinagmulta ng NBA dahil sa headbutting incident sa Mavs-Hornets game

Posted on: January 7th, 2021 by @peoplesbalita No Comments

Pinatawan ng NBA ng multa ang tatlong mga players matapos ang nangyaring headbutting incident sa pagitan ng Dallas Mavericks at Charlotte Hornets kamakailan.

 

Ayon sa NBA, pinagmumulta ng $40,000 si Mavericks forward James Johnson, habang si Hornets forward Cody Martin ay may $25,000; at $20,000 naman kay Caleb Martin.

 

Nangyari ang insidente noong fourth quarter ng 118-99 victory ng Hornets laban sa Mavs noong Huwebes sa Dallas.

 

Pinagmulta si Johnson nang sinadya nitong itulak si Cody Martin at komprontahin kalaunan.

 

Habang si Cody Martin ay pinarusahan din matapos gumanti ng pagtulak kay Johnson, at magkaroon ng contact sa isang game official.

 

Si Caleb Martin ay minultahan nang manghimasok sa gulo.

Drug lords ilagay sa isla na puro bato – Sotto

Posted on: January 7th, 2021 by @peoplesbalita No Comments

Bilang alternatibo sa parusang kamatayan, iminungkahi ni Senate President Vicente Sotto III na alisin sa National Bilibid Prison (NBP) sa Muntinlupa at ibukod ang mga kriminal mula sa iba pang bilanggo.

 

 

Suhestiyon ito ni Sotto para umano sa mga nawawalan na ng pag-asa na mabuhay pa ang parusang kamatayan sa bansa kaya ito ang kanyang alternatibong naisip.

 

 

Mungkahi pa ng Senate president na bukod sa pag-aalis sa NBP ay dapat ihiwalay ng kulungan ang mga makukulit na kriminal kung saan walang cell site, walang kahit ano kundi susuplayan lang sila ng pagkain.

 

 

“Alisin sa Munti ang NBP… ilalagay mo Luzon, Visayas, Mindanao. Pag inilipat mo tapos regional mababawasan din sakit ng ulo ng jailguards. Kasi oras na ang convicted na binibisita ng pamilya, doon na nag-uumpisa magloko,” wika niya.

 

 

Kahit na wala uma­nong death penalty ay maaaring ilagay sa isang isla na puro bato at walang komunikasyon ang mga drug lords para maiwasan na makapag-operate pa rin ang mga sindikato ng droga at puro sitaw din ang kakainin nila.

 

 

Puna pa ni Sotto, ang ibang krimen ay maaa­ring bayaran sa kulungan maliban lamang sa mga high level drug trafficking dahil nakakapag-operate pa sila kaya dapat itong pigilan.

 

 

Ang pahayag ni Sotto ay kaugnay sa pagkwes­tyon sa pagpasa at pag-prioritize sa panukalang death penalty sa Senado na bagama’t priority nila ay mayroong mga teknikalidad na katulad ng ibang panukala ay naka-refer din sa Committee on Justice. (Daris Jose)

Malakanyang, binatikos ang plano ng Senado na ipatawag si Durante para magpaliwanag ukol sa pagtuturok ng bakuna laban sa Covid- 19 sa mga PSG personnel

Posted on: January 7th, 2021 by @peoplesbalita No Comments

BINATIKOS ng Malakanyang ang panukalang ipatawag si Presidential Security Group (PSG) commander Brigadier General Jesus Durante III sa SEnado para magpaliwanag ukol sa inoculation o pagbabakuna sa PSG troops gamit ang unregistered COVID-19 vaccine.

 

Umapela si Presidential spokesperson Harry Roque sa Senado na igalang ang hiwalay na kapangyarihan sa pagitan ng ehekutibo at leislaturang sangay ng pamahalaan.

 

“Hindi ko po maintindihan kung bakit panghihimasukan ng Senado, ang co-equal branch of government, ang seguridad ng ating Presidente, eh gayong hindi naman pinanghihimasukan ng Presidente ang seguridad ng Senado,” ayon kay Sec. Roque.

 

“Co-equal branches po kasi iyan, respect po sana,” giit ni Sec. Roque.

 

Sa ulat, nais ni Senate President Vicente Sotto III na ipatawag sa ibang pagdinig ng Senado si Durante hindi sa nakatakdang coronavirus disease (COVID-19) rollout plan hearing sa Enero 11.

 

“Ang pinag-uusapan natin, paano ang gagawin sa procurement, ibang usapan ‘yan. Puwede sigurong tumawag ng ibang hearing tungkol diyan, hindi kasama sa Committee of the Whole,” punto ni Sotto.

 

Ito ay matapos irekomenda ni Senate Minority Leader Franklin Drilon na ipatawag si Durante sa pagdinig sa COVID-19 vaccine rollout plan ng gobyerno sa Enero 11.

 

“Kung gusto nila i-take up, puwede rin. Sa akin kasi medyo mas malawak na usapin ‘yan. Ibang usapin ‘yan, hindi ‘yan sakop sa gustong talakayin, kung paano gagawin,” giit ng senador.

 

Una nang sinabi ni Durante na aakuin nito ang responsibilidad sa pagtanggap ng hindi otorisadong COVID-19 vaccine.

 

Nananatiling tikom ang bibig ng PSG chief kung ano at saan nagmula ang bakuna.

 

Samantala, hindi pa nagpapadala ng imbitasyon ang Senado kay Durante para sa pagdinig sa Enero 11.

 

Ayon naman pa kay Sotto binigyan siya ni Senator Francis Pangilinan ng listahan ngunit masyadong marami ang inimbitahan sa pagdinig.

 

“‘Yung sinubmit ni Senator Pangilinan na listahan pinasabi ko sa staff niya bawasan muna. Tsinek ko priorities pero huwag naman higit dalawang dosena kasi hindi makakapagsalita lahat ‘yun, lalo na kung bibigyan ko ng tig-10 minutes ang mga senador,” ani Sotto.

 

“‘Yun munang essentials then we can set another hearing. Matagal pa naman ‘yan dahil na-delay nga ang pagkakabili natin. Pagdating dito sa atin iche-check pa ng FDA ‘yan. We have plenty of time to go about it,” punto ng senador.  (Daris Jose)

PBA Special Awards sa online/tv na lang muna

Posted on: January 7th, 2021 by @peoplesbalita No Comments

Idaraos ang PBA Season 45 Special Awards sa Enero 17 sa pamamagitan ng iba’t ibang digital platforms.

 

Dahil sa epekto ng coronavirus disease (COVID-19) pandemic, mas minabuti ng pamunuan ng liga na idaos na lamang ito sa online conferencing.

 

Igagawad ang iba’t ibang individual awards kabilang na ang Best Player of the Conference sa nakalipas na Philippine Cup na ginanap sa isang bubble setup sa Clark, Pampanga.

 

Ibibigay din ang Outstanding Rookie, Special Team, All-Defensive Team, Most Improved Player at ang Samboy Lim Sportsmanship Award.

 

Maliban sa online platforms, ipalalabas din ang paggawad ng parangal sa mga natatanging players sa TV5, PBA Rush at One Sports.

 

Ganito rin ang magi­ging setup sa PBA Annual Rookie Draft.

 

Mula sa dating actual venue sa Robinsons Place Manila, magiging online na lamang ito para makaiwas sa social gathering na ipinagbabawal pa rin ng Inter-Agency Task Force.

 

Nakatakda ang deadline ng pagsusumite ng aplikasyon para sa rookie draft sa Enero 27 habang sa Marso 14 ang actual rookie draft.

 

Pinag-aaralan pa ng PBA kung magkakaroon ng Draft Combine at kung saan ito idaraos.

 

Nagkaroon ng Draft Combine ang Women’s National Basketball League noong Disyembre sa Victoria Sports Complex sa Quezon City.

 

Ito rin ang posibleng pagdausan ng Draft Combine sakaling matuloy ang plano.

DOH: COVID-19 holiday surge hindi pa nalusutan, paglobo ng kaso baka ‘mid-January’

Posted on: January 7th, 2021 by @peoplesbalita No Comments

Kahit na mababa ang mga naitatalagang bagong kaso ng coronavirus disease (COVID-19) nitong mga nagdaang araw, hindi nangangahulugang nalusutan na ng Pilipinas ang paglobo ng mga kaso dahil sa nakaraang Kapaskuhan at Bagong Taon, ayon sa Department of Health (DOH).

 

 

Binabantayan kasi ng gobyerno ang biglaang pagsipa ng mga kaso dahil sa kaliwa’t kanang salu-salo at pagtitipon sa nakaraang holiday season.

 

 

“We are expecting — if and when this [post-holiday] surge would really happen — na… mid-January baka diyan lalabas ‘yung pagdami ng kaso at tataas talaga,” ani Health Undersecretary Maria Rosario Vergeire, Lunes.

 

 

“Basically because itong laboratories natin would be fully functional already and fully operational starting today… Ang naka-apekto talaga would be the non-operational laboratories during the holiday season and the health-seeking behavior of our constituents and individuals.”

 

 

Maliban sa marami raw kasi ang hindi kumukunsulta sa health experts nitong holiday season para makapagpahinga, meron pang 14-day incubation period ang isang nahawaan bago magpakita ng sintomas.

 

 

Dahil dito, bumaba ang bilang ng mga datos na hindi naibibigay ng mga laboratoryo sa gobyerno.

 

 

Una nang nasipat ng Philippine College of Physicians (PCP) na mangyayari ito sa parehong panahon na nabanggit ng DOH.

 

 

“From the recent numbers, we were averaging a total of about 36,000 laboratory submissions per day. It went down to about 22,000 for this holiday season,” dagdag pa ni Vergeire.

 

 

“Malaking bagay ‘yung 12,000 na nawala dun sa outputs na sinu-submit sa atin. And we would also take note… na bumaba talaga ‘yung mga number of cases that we are reporting per day.”

 

 

Tinatayang nasa 5% ang natapyas sa bilang ng positive cases sa buong bansa bunsod nito, habang nasa 4% naman ang ibinaba nito sa Metro Manila.

 

Suspensyon ng mga laboratoryo

 

Dahil sa paulit-ulit na hindi pagsusumite ng ilang mga laboratoryo ng mga datos, napilitan ang gobyerno na parusahan na ang ilan sa kanila.

 

 

Kulang-kulang kasi ang naipipintang larawan ng COVID-19 situation sa bansa dahil dito.

 

 

“We were able to suspend the license of one of the big laboratories last December 29 because of its continuous non-compliance to our reportorial requirement,” dagdag pa ni Vergeire.

 

 

“Kahit po tayo ay nasa pandemya, kung talagang hindi po namin kayo mahihikayat na tumugon sa hiling ng ating gobyerno na tumulong kayo sa amin ay hindi namin mapapayagan na mag-continue kayo ng operations.”

 

 

Hindi naman pinangalanan ng DOH kung anong laboratoryo ang sinuspindi. Bukod pa ‘yan sa apat pang laboratoryo na inaasahang isyuhan ng suspensyon.

 

 

Back to normal naman na rin naman daw ang COVID-19 Data Repository System (CDRS) matapos nitong makaranas ng mga “glitch” nitong nakaraan, at hindi rin daw gaano naka-apekto sa mga bilang. (Daris Jose)

Direktiba ng DoJ na imbestigahan na ang iligal na importasyon ng covid vaccine, natanggap na ng NBI

Posted on: January 7th, 2021 by @peoplesbalita No Comments

Natanggap na ng National Bureau of Investigation (NBI) Special Action Unit ang direktiba ng Department of Justice (DoJ) na umpisahan na ang imbestigasyon sa hindi umano otorisadong paggamit ng Coronavirus disease 2019 (COVID-19) vaccine dito sa bansa.

 

 

Inatasan nga ni Justice Sec. Menardo Guevarra si NBI Officer-in-Charge (OIC) Eric B. Distor na magsagawa na ng imbestigasyon sa napaulat na importation, sale, pag-aalok ng naturang gamot, distribution, administration at inoculation ng COVID-19 vaccines na hindi pa naman otorisado o rehistrado sa Food and Drug Administration (FDA) ng Pilipinas.

 

 

Kapag nakitaan ng ebidensiya, ang NBI na raw ang bahalang maghain ng kaukulang kaso laban sa lahat ng taong sangkot at napatunayang responsable sa iligal na importasyon ng mga bakuna.

 

 

Mahigpit din ang direktiba ng DoJ kay Distor na magsumite ng report kaugnay ng progress ng imbestigasyon at agad isumite sa mismong Office of the Secretary sa loob ng 10 araw.

 

 

Sa naturang order, hindi naman nabanggit ang Presidential Security Group na sinasabing nakatanggap ng bakuna.

Ads January 7, 2021

Posted on: January 7th, 2021 by @peoplesbalita No Comments