• March 26, 2025
  • Search in People's Balita

  • Ang Diyaryong Pinagkakatiwalaan

 

panawagan ng Malakanyang sa MILF, bigyan ng pagkakataon ang bagong liderato ng BARMM

NANAWAGAN ang Malakanyang sa Moro Islamic Liberation Front (MILF) na bigyan ng pagkakataon ang bagong liderato ng Bangsamoro Autonomous Region in Muslim Mindanao (BARMM) sa ilalim ng Interim Chief Minister Abdulraof Macacua.
”Sinabi naman po ‘nung mga tao na umatend po doon sa MILF Consultative Assembly na mayroon pong prerogative ang Pangulo na mag-appoint po ng interim Chief Minister,” ayon kay Palace Press Officer at Presidential Communications Office Undersecretary Claire Castro sa press briefing sa Malakanyang.
”Sa ngayon po, bagong-bago po, ang hiling po sana natin sa pamunuan po ng MILF ay bigyan po muna ng chance, kapag po hindi naging maayos ang magiging pamumuno po ng bagong na-appoint na ICM, maaari po nating pag-usapan muli ito para po sa ikakaganda ng nasabi poong Bangsamoro, MILF,” dagdag na wika nito.
Sa ulat, nagpahayag ng pagkabahala ang Moro Islamic Liberation Front (MILF) sa magiging pagbabago sa liderato at pagiging kasapi ng Bangsamoro Transition Authority (BTA), kabilang na ang appointment ni Macacua bilang bagong interim chief minister ng BARMM.
Nauna rito, nagpalabas ng kalatas ang MILF central committee nitong weekend matapos magdaos ng consultative assembly kung saan tinalakay ang kamakailan lamang na leadership change at ang “dire impact” nito sa implementasyon Comprehensive Agreement on the Bangsamoro (CAB).
Sinabi pa ng komite na 35 mula sa 41 pangalan na pormal na inendorso ng MILF ang itinalaga ni Pangulong Ferdinand Marcos Jr., ang magpapahina sa Seksyon 2, Article XVI ng Bangsamoro Organic Law.
Matatandaan, kinumpirma ng Malakanyang ang pagkakatalaga kay Macacua—nagsilbi rin bilang Maguindanao del Norte OIC governor—noong Marso 9. Pinangasiwaan naman ni Pangulong Marcos ang oath of office ni Macacua noong Marso 13.
Samantala, binigyang diin ng Pangulo na ang pagkakatalaga kay Macacua bilang bagong BARMM interim chief minister ay mahalaga para sa pagpapatuloy ng pag-unlad sa rehiyon. ( Daris Jose)
Other News

  • Pangangailangan sa pagdaragdag ng hotline para sa mga naghahanap ng ospital, handang i-ugnay ni Sec. Roque sa mga telcos

    HANDA si Presidential Spokesperson Harry Roque na muling makipag- ugnayan sa mga telecommunication companies para maragdagan ang linya na maaaring matawagan ng mga mamamayan na naghahanap ng ospital upang doon madala ang mga kaanak nilang seryosong tinamaan ng virus.   Sa harap na rin ito ng ulat na nahihirapang makapasok sa One Hospital Command Center […]

    read more

  • Bayanihan 3 ni Speaker Velasco, malabong iendorso ni PDu30

    NGAYON pa lamang ay nagpahiwatig na ang Malakanyang na malabong iendorso ni Pangulong Rodrigo Roa Duerte ang pagpapasa ng P420-billion stimulus package na ipinanukala ni House Speaker Lord Allan Velasco na tinawag bilang Bayanihan 3.     Sinabi ni Presidential Spokesperson Harry Roque, sa kasalukuyan, ang P4.5-trillion 2021 National Budget at ang P165-billion Bayanihan to […]

    read more

  • “BONES AND ALL” TO HOLD PHILIPPINE PREMIERE AT QCINEMA INTERNATIONAL FILM FESTIVAL

    MANILA, November 9, 2022 – MGM Pictures and Warner Bros.’ highly anticipated provocative thriller “Bones and All” from director Luca Guadagnino (“Call Me By Your Name”) is set to make its Philippine premiere at the 10th QCinema International Film Festival, running from November 16 to 25 in Quezon City.     [Watch the film’s extended trailer […]

    read more
People's Balita.
All rights reserved. © Copyright 2025.