DOH: Mga deboto na nagpunta sa Quiapo mag-self quarantine
- Published on January 12, 2021
- by @peoplesbalita
Upang makatiyak na hindi mahahawahan ang mga kapamilya kung sakaling nakakuha ng COVID-19, pinayuhan ng Department of (DOH) na mag-self quarantine muna ang mga deboto na nagtungo sa simbahan ng Quiapo nitong Sabado.
Sa Facebook post ng DOH, ipinayo nito na mas makabubuting obserbahan muna ng mga deboto ang kanilang mga sarili kung mayroon silang sintomas ng COVID-19. Dapat din na iwasan muna ang makipag-ugnayan sa mga matatanda at mga vulnerable na miyembro ng pamilya.
Kabilang sa mga sintomas ng sakit ay ang lagnat, ubo, kawalan ng panlasa at pang-amoy, pananakit ng katawan at ulo, pananakit ng lalamunan, baradong ilong, pamumula ng mata, pagtatae at pamamantal ng balat.
Pinayuhan din sila ng DOH na sa sandaling makaramdam ng anumang sintomas ng sakit ay kaagad na makipag-ugnayan sa Barangay Health Emergency Response Team (BHERT) sa kanilang barangay.
Nanawagan din ang DOH sa mga lokal na pamahalaan na palakasin pang lalo ang kanilang ‘active surveillance’ sa pamamagitan ng pagtukoy sa mga residente na nagtungo ng Quiapo at nakararanas ng sintomas ng COVID-19 upang agad na maaksyunan. (Gene Adsuara)
-
Pinilit lang na mag-audition ng kanyang US agent: INIGO, muntik nang hindi makasama sa FOX series na ‘Monarch’
NAGSIMULA ring bilang child stars sina Carmina Villarroel at Chuckie Dreyfuss kaya alam nila ang mga pinagdaraanan ni Jillian Ward na bida na ngayon sa GMA Afternoon Prime teleserye na ‘Abot Kamay Na Pangarap’. Ilan sa mga naging pelikula ni Chuckie ay Idol, I Have Three Hands, The Crazy Professor, Mga Kuwento Ni […]
-
PDu30, suportado ang planong magkaroon ng local production ng Covid-19 vaccines
SUPORTADO ni Pangulong Rodrigo Roa Duterte ang planong magkaroon ng local production ng coronavirus disease 2019 (Covid-19) vaccines. ito’y matapos na iulat ni Trade Secretary Ramon Lopez, sa isang virtual meeting, na may apat na pharmaceutical firms ang nagpahayag ng kanilang intensyon na makipagsapalaran sa local vaccine manufacturing. Ani Lopez, kasalukuyan nang nakikipag-usap […]
-
Putin nagbigay kay Macron ng katiyakan na hindi iinit ang tensiyon sa Ukraine
NAGBIGAY na ng katiyakan si Russian President Vladmir Putin kay French President Emmanuel Macron na hindi na nila palalalain pa ang tensiyon sa border ng Ukraine. Sinabi Macron na ito ang naging pagtitiyak sa kaniya ni Putin subalit hindi ito nagbigay ng garantiya. Umabot aniya sa anim na oras ang ginawang […]