Duterte bakuna ng China ang ipapaturok
- Published on January 13, 2021
- by @peoplesbalita
Dahil mauunang dumating sa bansa ang Sinovac vaccine mula sa China, ito ang ituturok kay Pangulong Rodrigo Duterte, ayon kay Presidential Spokesperson Harry Roque.
Sinabi ni Roque na ang bakuna mula sa Russia at sa China ang pinagpipilian ng Pangulo.
“Si Presidente po malinaw, gusto nga niyang magpaturok kaagad. Gusto niya Tsino at saka Russian. Ang tinatanong niya, puwede bang pareho? Ang tingin ko, hindi. So kinakailangan mamili ang Presidente kung Tsino o Russian ang kaniyang ipatuturok. Pero dahil mauuna ang Tsino eh baka naman po ‘no na unahin niya ang Tsino,” sabi ni Roque.
Idinagdag ni Roque na maging si Indonesian President Joko Widodo ay magpapaturok ng bakuna mula sa China sa Enero 13. Sinabi pa ni Roque na hindi niya alam kung bakit mas naging mabilis ang inaasahang pagdating sa bansa ng Sinovac.
Inulit ni Roque ang sinabi ni Duterte na hindi siya makakapaghintay ng hanggang Hulyo para sa bakuna na inaasahang darating na sa Pilipinas sa susunod na buwan. (Gene Adsuara)
-
Posibleng nasa “low risk” na ang MM sa katapusan ng Oktubre
SINABI ni Presidential Spokesperson Harry Roque na datos ang nagsasabi kung bababa ang quarantine classification sa bansa. Tugon ito ni Sec. Roque sa pagtaya ng OCTA Research Group na posibleng nasa “low risk” na para sa COVID-19 ang Metro Manila sa katapusan ng Oktubre. “Ang mabuting balita po ay pagdating po sa ICU […]
-
Apela na bawiin ang deployment ban sa mga health workers
HIHINTAYIN muna ng Inter-Agency Task Force ang magiging patnubay ni Pangulong Rodrigo Roa Duterte para sa apela na bawiin ang deployment ban sa health workers, Sinabi ni Presidential spokesperson Harry Roque na pinag-uusapan na ng mga opisyal ang panukalang i-exempt ang mga nurses at iba pang medical workers na may kontrata na nilagdaan “as […]
-
PNP ‘all-set’ na sa pagsisimula ng local campaign period sa March 25
TODONG PAGHAHANDA ang ginagawa ngayon ng Philippine National Police (PNP) para sa pag-uumpisa ng campaign period para sa local election. Ayon kay PNP Spokesperson Police Col. Jean Fajardo, naglalatag na sila ng seguridad para mapanatili ang kaayusan sa kabuoang election period. ” Patuloy ang ginagawang paghahanda lalong lalo na itong darating […]