Eala may parangal sa PSA
- Published on March 4, 2020
- by @peoplesbalita
KABILANG sa talaan ng mga young at promising athlete ng SMC-PSA (Philippine Sportswriters Association) Annual Awards Night ang rising tennis star na si Alexandra Eala.
Pasok ang 14-anyos sa 10 atleta na kikilalanin bilang 2019 Tony Siddayao awardees sa nasabing pagtitipon sa Marso 6 sa Centennial Hall ng Manila Hotel.
Ipinagkakaloob ang parangal sa mga atletang may 17-taon at pababa na sinunod kay dating Manila Standard sports editor Antonio ‘Tony’ Siddayao na kinokonsiderang Dean ng Philippine sportswriting.
Naging malaking puntos sa tennis career ni Eala ang pagsungkit ng Top 10 world junior ranking bago matapos ang 2019, kaya kinonsidera itong Pinoy na atletang may malaking ambag sa Pilipinas.
Sinundan pa niya ito ng titulong grand slam matapos manalo sa Australian Open girls doubles tournament kasama ang partner na si Priska Madelyn Nugroho ng Indonesia nitong Enero 2020.
Kabilang din sa karangalan sina swimmers Micaela Jasmine Mojdeh at Marc Bryant Dula, bowlers Dale Lazo at Jordan Dinam, karateka Juan Miguel Sebastian, chess Woman FIDE Master Antonella Racasa, powerlifter Jessa Mae Tabuan at nakakatandang kuya ni Alexandra na si Michael Eala.
Nakatanggap na rin dati ng katulad na parangal sina chess Grandmaster Wesley So, Eumie Kiefer Ravena, Felix Marcial, Jeron Teng, Markie Alcala, Pauline del Rosario, Aby Arevale, at Maurice Sacho Ilustre sa taunang pagtitipon ng mga sportswriter na pangungunahan ni Manila Bulletin Sports Editor Eriberto S. Talao Jr. at mga handog ng Philippine Sports Commission, MILO, Cignal TV, Philippine Basketball Association, AirAsia at Rain or Shine. (REC)
-
Duque kumasa kay Pacquiao sa alegasyon ng korapsyon
Kumasa si Health Secretary Francisco Duque III sa hamon na imbestigasyon ni Sen. Manny Pacquiao kaugnay sa umano’y korapsyon sa DOH. Ayon kay Duque handa siyang ipakita sa senador kung saan nila ginastos ang pondo ng ahensiya ngayong pandemic. “While we are disheartened by these baseless accusations from our government officials, […]
-
Pampublikong transportasyon sa Bulacan, balik operasyon na
LUNGSOD NG MALOLOS- Balik operasyon na ang ilang pampublikong transportasyon sa Bulacan kabilang ang mga bus at dyip. Matapos ang mahigit tatlong buwang tigil pasada, nasa 526 na yunit ng mga dyip at 510 na yunit ng bus ang nabigyan na ng special permit to operate at makapagserbisyo sa publiko. Sa anunsyo ng Land […]
-
“Ghostbusters: Frozen Empire” Makes Spectacular Debut Topping U.S. Box Office with $61M Global
“Ghostbusters: Frozen Empire” makes a spectacular debut, topping the U.S. box office and marking a $61M global opening, revitalizing the franchise with its unique blend of humor and supernatural adventure. In an electrifying opening weekend, “Ghostbusters: Frozen Empire” has not only topped the U.S. box office charts but also propelled the beloved Ghostbusters franchise past […]