CZECH REPUBLIC, KASAMA NA RIN SA TRAVEL RESTRICTION

KASAMA na rin ang Czech Republic sa listahan ng mga bansa sa travel restriction, ayon sa Bureau of Immigration (BI)

Ito ang sinabi BI Commissioner Jaime Morente sa isang advisory kung saan magsisimula ang travel restriction 0001H ng Enero 28 hanggang sa katapusan ng buwan.

“We have received a directive expanding the travel restrictions to include aliens coming from the Czech Republic, or those who have been there within 14 days preceding arrival in the Philippines,” “This will take effect 0001H of January 28, until the end of the month,” ayon kay Morente.

Dahil dito, umabot na sa 36 na bansa ang may travel restrictions.

Sa kasalukuyan, ang BI ay nagpapatupad ng travel van sa mga banyaga na may travel history sa loob ng 14 na araw kabilang ang United Kingdom, Denmark, Ireland, Japan, Australia, Israel, The Netherlands, The People’s Republic of China, including Hong Kong Special Administrative Region, Switzerland, France, Germany, Iceland, Italy, Lebanon, Singapore, Sweden, South Korea, South Africa, Canada, Spain, and the United States.

Kabilang din sa may travel ban ay yaon mga bansa na nagmumula sa Portugal, India, Finland, Norway, Jordan, Brazil, Austria, Pakistan, Jamaica, Luxembourg, at  Oman.

Kamakailan ang Malacanang ay nag-utos din ng pagbabawal sa United Arab Emirates at   Hungary .

Sa datos, noong 2020, mayroon lamang 3,184 na mga Czechs ang pumasok sa bansa bago ipatupad ang travel restriction dahil sa Covid 19 at ang bagong variants. (GENE ADSUARA )