Grassroots sports sa bansa tampok sa PSC-NSS ngayon
- Published on February 11, 2021
- by @peoplesbalita
KAILANGANG masigla ang grassroots sports sa bansa para sa ikatatagumpay sa Summer Olympic Games ang magiging tampok sa ikatlong sesyon ng Philippine Sports Commission (PSC) National Sports Summit 2021 ngayong Huwebes, Pebrero 11.
Ibubunyag ng PSC ang mga programang nakapokus para sa mga baguhang atleta bilang pundasyon tungo sa pagiging pinakamahuhusay sa elite sports sa pamamagitan ng Philippine Sports Institute (PSI) sa online summit.
Pangungunahan ni Dean Prof. Henry Daut ng PSC-PSI ang talakayan na nakatuon sa likas na katangian, katayuan, at hamon sa pagpapatupad ng mga hakbang na batay sa agham upang matapik ang lokal na mayamang mapagkukunan ng mga talent sa hinaharap.
“It is high time that we give educators, athletes, and sports stakeholders a clear picture of what the PSC has been doing through these years to develop the amateur talents we have,” pahayag sa Opensa Depensa ni PSC Chairman William ‘Butch’ Ramirez kahapon.
Iginiit ng pinuno ng palakasan sa bansa, ang kahalagahan para sa mga kabataan na lumingon sa palaro at makinabang mula sa mga hakbang na itinuturo na mahalaga sa oras ng pandemya na mag-iisang taon na sa papasok na buwan.
May mga kalahok mula sa iba’t ibang bansa ang mga bumahagi sa unang dalawang bahagi ng lingguhang panayam na ito kung saan ang bisita ang pangulo ng United States Sports Academy na si T.J. Pinangunahan din niya ang pagbubukas ng sesyon kasama si Davao del Norte Sports and Youth Development Head Giovanni Gulanes.
Sana’y makapulutan ito ng aral upang magkaroon ng mga tanggapan sa sports ang bawat lalawigan, lungsod, bayan at barangay sa kapuluan para sa ikauunlad ng sports sa ‘Pinas. (REC)
-
Netizens, tuwang-tuwa sa ginawang pagpapakumbaba: SHARON, nakipag-ayos at reunited na kina TITO SEN, HELEN at mga pinsan
NAGANAP na rin ang reconciliation sa pagitan nina Megastar Sharon Cuneta at ng mag-asawa na si Senator Tito Sotto at veteran actress na si Helen Gamboa pagkatapos na lumamlam na ang ‘election fever’. Last June 11, nag-post si Sharon ng series of photos kasama ang kanyang Tito Sen at Tita Helen, at mga […]
-
MIKOY, umaming na-insecure talaga sa kay RURU at muntik nang mag-quit sa showbiz
ISA sa mga hit Korean movie ang More Than Blue noong ipinalabas ito ng 2019 na ngayon ay binibigyan ng Pinoy adaptation ng Viva Films at mapapanood na sa Vivamax simula sa November 19. Kung sa Korean, sina Kwon Sang Woo at Lee Bo Young ang nagbida, dito sa Pinoy adaptation ay sina […]
-
“Structurally complete” na ang northbound section ng Skyway Extension
Ang northbound section ng Skyway Extension ay “structurally complete” na at ang kulang na lamang ay ang paglalagay ng aspalto na gagawin sa katapusan ng buwan. Ito ang sinabi ni SMC president Ramon Ang sa isang pahayag na inilabas ng San Miguel Corp. “I’m happy to announce that soon, we can […]