Isailalim na ang buong bansa sa MGCQ mula Marso 1
- Published on February 17, 2021
- by @peoplesbalita
IPINANUKALA ng National Economic Development Authority (NEDA) kay Pangulong Rodrigo Roa Duterte na isailalim sa Modified General Community Quarantine ang buong bansa simula Marso 1.
Sa public address ng Pangulo, Lunes ng gabi ay inirekomenda rin ni Acting NEDA Director General Karl Chua sa Chief Executive na palawigin na ang public transportation kung saan gawin ng 70 percent ang 50 percent na vehicle’s capacity.
Ipinanukala rin nito na ang edad ng mga Filipino na pinayagan na makalabas ng kanilang bahay ay unti-unting gawing 5 taon hanggang 70 taon mula sa 15 taon hanggang 65.
Sinabi rin ni Chua na ipinanukala rin ng NEDA na ang pilot face-to-face classes ay ituloy na.
Sa ngayon, nananatili sa ilalim ng General Community Quarantine (GCQ) classification ang National Capital Region (NCR) at Davao City.
Nagsimula ito ng Pebrero 1 hanggang Pebrero 28, 2021.
Bukod sa NCR at Davao City ay isinailalim din sa GCQ ang mga lalawigan ng Batangas at Cordillera Administrative Region na kinabibilangan ng Abra, Apayao, Benguet, Baguio City, Ifugao, Kalinga at Mountain Province para sa Luzon; Tacloban City para sa Visayas; Davao del Norte, Lanao del Sur at Iligan City para sa Mindanao.
Ang Santiago City, Ormoc City at iba pang lugar ay isinailalim naman sa Modified General Community Quarantine (MGCQ).
“Binigyan na po tayo ng pahintulot ng ating Presidente para ianunsyo ang quarantine classifications mula mula February 1 hanggang 28 ng taong ito. The abovementioned risk-level classifications will take effect starting Monday, February 1 until February 28, 2021,” ayon Presidential spokesperson Harry Roque.
“Uulitin ko po, nasa ilalim po ng GCQ ang mga sumusunod: ang NCR, ang CAR, kasama ang Abra, Apayao, Benguet, Baguio, Ifugao, Calinga, Mountain province; ang Batangas province, ang Tacloban City, ang Davao City, ang Davao del Norte, ang Lanao del Sur at ang Iligan City. Lahat po ng iba pang lugar sa Pilipinas ay mapapasailalim sa modified general community quarantine,” dagdag na pahayag ni Sec. Roque. (Daris Jose)
-
KC, masayang-masaya na personal nang makita ang amang si Gabby
SIMULA pala nang matuto nang magdirek si Kapuso Primetime King Dingdong Dantes, naging dream na niyang maigawa at maidirek ang kanyang mommy, si Angelina Gonzalez Dantes sa isang commercial na kasama siya. Sa kanyang Instagram post, ikinuwento ni Dingdong na three years old pa lamang siya ay sinasamahan na siya ng kanyang Mamata sa […]
-
Kahit nakikipaglaban sa Alzheimer’s disease at PCA (Posterior Cortical Atrophy): MAUREEN McGOVERN, patuloy na aawit at gagawa ng songs para sa mga bata
NAGKAKASUNDO sina Jinkee Pacquiao at Heart Evangelista ‘pag dating sa pag-customize ng kanilang luxury bags tulad ng Hermes na nagkakahalaga ng milyones. Kelan lang ay nagpasalamat si Jinkee kay Heart dahil sa pagpinta ni Heart ng magandang artwork nito sa kanyang Hermes Rose Sakura Herbag. “Thank you dear @iamhearte” caption ni Jinkee sa […]
-
Malabon LGU ginawaran ng Seal of Good Local Governance Award ng DILG
MASAYANG tinanggap ni Malabon Mayor Jeannie Sandoval, kasama si City Administrator Alexander Rosete at iba pang opisyal ng Pamahalaang Lungsod ng Malabon ang Seal of Good Local Governance Award mula sa Department of Interior and Local Government (DILG) sa isinagawang National Awarding Ceremony na ginanap sa Manila Hotel. Bukod sa SGLG, pinagkalooban din […]