Pagdating sa Pinas ng bakunang gawa ng Tsina laban sa Covid -19, maaaring ma-delay
- Published on February 20, 2021
- by @peoplesbalita
SINABI ng Malakanyang na maaaring ma-delay ang pagdating sa bansa ng 600,000 doses ng COVID-19 vaccine mula sa Chinese firm Sinovac dahil sa kawalan pa rin ng Emergency Use Authorization (EUA) nito.
Inaasahan kasing darating sa bansa ang nasabing bakuna sa Pebrero 23.
“Kapag hindi po lumabas ang EUA, baka maantala rin ang pagdating ng 600,000 ng Sinovac,” ayon kay Presidential Spokesperson Harry Roque.
Ang EUA na ipalalabas ng Food and Drug Administration (FDA), ay kailangan upang legal na mapangasiwaan ang bakuna sa Pilipinas.
“Nais rin muna nating makuha itong EUA para po kapag dumating [ang vaccine], magagamit agad,” ang pahayag ni Sec. Roque.
Magkagayon pa man ayon kay Sec. Roque, ang 5.5 million doses ng COVID-19 vaccine mula AstraZeneca sa ilalim ng COVAX Facility ay inaasahan na maide-deliver sa bansa sa loob pa rin ng buwang kasalukuyan.
Nauna rito, sinabi ni Vaccine czar Carlito Galvez Jr na ang pagde-deliver ng bakuna mula sa World Health Organization (WHO)-led COVAX Facility ay made-delay ng isang linggo bunsod ng kawalan ng indemnification law sa bansa.
Sinabi ni Galvez sa Senado na ang bansa ay maaaring makatanggap ng 117,000 doses ng Pfizer-BioNTech vaccine kung ang PIlipinas ay mayroong indemnification law.
Samantala, ang FDA ng Pilipinas ay nagpalabas lamang ng EUA sa dalawang COVID-19 vaccine brands gaya ng Pfizer-BioNTech at AstraZeneca, kung saan ay nakitaan ng 70% hanggang 95% effective, para maiwasan ang COVID-19. (Daris Jose)
-
Tinamaan ng COVID-19 sa Pilipinas tumuntong na lagpas 2.6 milyon
Nakapagtala ang Department of Health (DOH) ng 10,748 bagong infection ng coronavirus disease, Lunes, kung kaya’t nasa 2.6 milyon na sumatutal ang nahahawaan nito sa bansa. Batay sa mga bagong nakalap na datos ng Kagawaran ng Kalusugan, narito ang bagong mga pasok na datos para araw na ito: lahat ng kaso: 2,604,040 nagpapagaling pa: 106,160, […]
-
Lalaki timbog sa shabu at panghoholdap sa nene
ARESTADO ang isang lalaki matapos makuhanan ng shabu at panghoholdap sa isang batang babae sa Valenzuela city, kamakalawa. Nahaharap sa patung-patong na kaso ang naarestong suspek na nakilalang si Enrique Beranio Jr, 29, ng Bagbaguin, Caloocan city. Sa nakarating na ulat sa bagong hepe ng Valenzuela City Police na si P/Col. Fernando Ortega, […]
-
CARLO, tahimik lang at wala pang reaction sa hiwalayan issue
PALAGING nahihigitan ng Asia’s Multimedia Star ang expectation sa kanya. Nagawa na naman ito ni Alden dahil sa kanyang Alden ForwARd online documentary concert noong January 30. Halos karamihan ng mababasang comment ay sinasabing, “It is your best concert to date, ginalingan masyado.” True to his words, ‘yung Richard […]