KYLIE, nag-post na ng picture ni ALJUR kasama ang dalawang anak para matigil na ang isyu ng hiwalayan

NAG–POST na si Kylie Padilla ng picture ng mister niya na si Aljur Abrenica at dalawa nilang anak, para siguro matigil na ang isyu na hiwalay na o may pinagdadaanan silang mag-asawa.

Naka-off ang comment sa Instagram post na yun ni Kylie. So, obviously, ayaw nitong mag-entertain ng ano mang tanong, reaction o negativities.

Pero, ang daming avenue ng mga netizens para mailabas ang mga comment nila katulad sa ibang vlog.

May mga natuwa naman na feeling assured na okay pa rin ang dalawa at sey nila, “yehey, bati na.”

Pero, meron din na mga nagsasabi na, “Do not wash your dirty linens in public. Tapos, magbabati rin pala.”

     “Umarte lang si girl.”

“Always keep your private affair, private.”

     “Umatake lang ang hormones ni Girl.”

     Naku, mukhang marami pa rin yata ang hindi sanay o kilala si Kylie pagdating sa socmed. In fairness to her, wala naman siyang ni-reveal o in-emote na isyu nilang mag-asawa, ang netizens lang talaga ang mga nag-assume.

***

KAHIT tapos na at wala na sa ere ang Philippine adaptation na Korean drama na Descendants of the Sun, patuloy pa rin itong nakatatanggap ng mga rekognisyon.

Binigyan ng commendation ni Attorney Felipe L. Gozon ang DOTS ang cast, creative, technical at production ng DOTS.

Nakasaad sa commendation letter ni FLG na, “It is my great pleasure to commend the creative/technical and production teams and atists of “Descendants of the Sun” the first and only Philippine production to have earned the distinction of “Most Popular Foreign Drama of the Year” at the Seoul International Drama Awards and the first GMA program to meet the international standards of the streaming platform Netflix.

    “The GMA Management recognizes your hard work and dedication, overcoming challenges and difficulties set before you especially during this time of the pandemic, to ensure that the production of “Descendants of the Sun” was consistently world-class and something that we could all be proud of.

    “On behalf of GMA Network, Inc., please accept my heartfelt congratulations to all of you for a job well-done. Your passion for excellence truly reflects our commitment to provide only the best entertainment program for our audience worldwide and across media platform.”

***

SI Janno Gibbs ba ay misinterpreted lang talaga or may something or biktima?

Ilang beses na nga ba na nasasangkot ito sa ilang isyu sa pagitan ng co-star niya o sa production. This time, si Kitkat naman na co-host niya sa Happy Time ng Net 25.

Diumano’y minura ito ni Janno at iba pa. Nag-post ng sunod-sunod si Kitkat at tila nagka-ayos naman sila nang mag-sorry rin si Janno. Pero claim ng huli, may post na naman daw kahit na okay na sila.

Kaya ang Janno, nag-post na rin at sey niya, “Nagpakumbaba napo ako. Tiniis ko ang pangBaBash ng mga tao sa akin at sa aking pamilya. Humingi na po ako ng tawad, kahit na siya ang tunay na nag-umpisa ng lahat. I was provoked. Pinahiya sa harap ng maraming tao sa studio. 

“Pinag-ayos na po kami kanina. Akala ko ko ay ayos na. Tinanggap ko na po kahit hindi niya ako sinuklian ng paumanhin. Ngunit ngayong gabi nag-post na naman siya. Pinapalabas na wala siyang kasalanan.     “Hindi ko na po kayang palampasin ito. Kailangan ko nang ipagtanggol ang aking reputasyon at higit sa lahat ang aking mga anak, na nakatatanggap din ng batikos sa mga tao.

“Oras na para malaman ng tao ang buong katotohanan.”

Suportado si Janno ng misis niya na si Bing Loyzaga at gayundin ng mga anak.

Mga symbol ng palakpak ang comment ni Bing sa post ni Janno na nireplayan naman ng huli ng mga heart emoji.

Comment naman ng anak niya na sa Gabby Gibbs, “Gusto ko yung post ng post kahit hindi naman talaga siya pinapansin ng mga tao. PUSH pa!!! ALSO SIDE NOTE that’s what people do when they NEEEEEEED attention. Sad but there are really people that go the extra mile.”

Para naman sa ibang netizens, “mga nagpapansin” daw ang mga ito at “nag-iingay” dahil kulang daw sa pansin ang show nila, huh! (ROSE GARCIA)