Abu Dhabi Crown Prince kay PDu30: UAE gov’t will take care of OFWs

NANGAKO si Abu Dhabi Crown Prince Sheikh Mohammed bin Zayed Al Nahyan na iingatan ng kanyang gobyerno ang mga Filipino national na naninirahan at nagta-trabaho sa United Arab Emirates (UAE).

Ang pahayag na ito ng Crown Prince ay naipabot kay Pangulong Rodrigo Roa Duterte sa pamamagitan ng phone call.

Ni-renew kasi ng Pilipinas ang bilateral relations nito sa UAE.

“The Crown Prince assured President Duterte that the UAE Government will continue to take care of Filipino nationals residing in the country in the best way it can,” ang nakasaad sa kalatas ng Malakanyang.

“The UAE benefits from the skills of Filipino workers and is happy to have them,” ang nakasaad pa rin sa kalatas.

Samantala, kapwa naman nagpahayag ang dalawang lider ng pagkakaisa sa “face of continuing threats posed by terrorism and violent extremism.”

Binigyang diin ni Pangulong Duterte ang commitment ng Pilipinas na makipag-ugnayan sa international parties sa pagpigil sa terorismo sa pamamagitan ng pagsunod sa international law.

Gayundin, nagpaabot naman ng pagbati si Pangulong Duterte sa UAE para sa kanilang 50th Founding Anniversary.

Sinabi ng Pangulo na labis siyang natutuwa sa Western Asian country para sa pag-aalaga sa mahigit na 600,000 Filipino na nananatili roon.

Pinasalamatan din ng Pangulo ang Crown Prince para sa naging donasyon ng UAE na 7 metriko tinelada ng medical supplies, personal protective equipment at 100,000 doses ng Hayat Vax vaccines, na pandagdag sa COVID-19 inoculation sa Bangsamoro Autonomous Region in Muslim Mindanao (BARMM).

“We look forward to further working closely with the UAE as we continue addressing the challenges of the pandemic,” ayon kay Pangulong Duterte.