• July 13, 2024
  • Ang Diyaryong Pinagkakatiwalaan

Abueva balik-PBA na

Ikinatuwa ng koponan ng Phoenix Pulse ang balitang inaprubahan na ng Philippine Basketball Association (PBA) ang pagbabalik sa liga ng kontrobersyal na si Calvin Abueva.

Ayon sa insider, nagtataka umano sila dahil biglang nagbago ang ihip ng hangin ni PBA Commissioner Willie Marcial na madalas sinasabi na kailangan pang maipasa ni Abueva ang isa pang test na hindi matapos-tapos ng tubong Pampangeno.

Malaki umano ang naitulong para sa maagang pagbabalik ng Phoenix star sa laro nang kumalat ang balitang kinukuha at pipirma na sa Japan B League si Abueva.

Matatandaang unang pumirma si Thirdy Ravena sa team ng Sun En-NeoPhoenix sa Japan, bago operan din ng isang team sa Japan si Abueva para maglaro bilang import.

Bukod kay Abueva, tumanggap din umano ng offer sa Japan bilang import sina Terrence Romeo at Raymond Almazan.

Sinabi rin ng insider na ikinatuwa ni Marcial ang sinabi ni Abueva na mas prayoridad nitong maglaro sa PBA kaysa sa Japan kaya matiyaga nitong hinihintay ang desisyon ng liga sa kabila na mahigit isang taon na itong suspendido.

Pero, nagsalita umano si Abueva na kung hindi na siya papayagang maglaro sa PBA ay tatanggapin na niya ang offer ng Japan B League.

Idinagdag pa ni Marcial na kapansin-pansin na malaki na ang ipinagbago ni Abueva mula sa pag-uugali, pananalita pati na ang pagkilos nito.

Sa katapusan ng Agosto ay mapapaso na ang kontrata ni “The Beast” sa Fuel Master at kung hindi na ito palalawigin ng koponan ay nagkaabang umano ang koponan gaya ng Magnolia Hotshot at Brgy. Ginebra.

Other News
  • NAGTAGO NG 17-TAON, TAIWANESE NATIONAL, NAARESTO SA QUEZON

    MAKARAAN ang 17-taon na pagtatago sa awtoridad, naaresto rin ng Bureau  of Immigration (BI) ang isang Taiwanese national dahil  sa tangkang pagpatay sa kanyang kababayan sa Taipe.     Kinilala ang suspek na si Huang Kuan-I, 53, na naaresto ng BI fugitive search  Unit (FSU) sa bayan ng Real Quezon, sa kanilang ulat kay Immigration […]

  • Pareho silang naka-relate ni Sunshine sa bagong serye: SNOOKY, inaming na-trauma nang pinilit pasuotin ng puting kamison

    KAPWA naka-relate sina Snooky Serna and Sunshine Cruz sa mga bida ng bagong GMA Afternoon Prime series na ‘Underage’ dahil may eksena sina Lexi Gonzales, Elijah Alejo at Hailey Mendes na nakaputing kamison sila sa isang eksena.     Nakaranas ng magkaibang experience sina Snooky at Sunshine noong pasuotin sila ng puting kamison sa pelikula […]

  • DOTr, nilinaw na hindi privatization kundi concession agreement ang gagawin ng pamahalaan sa NAIA

    CONCESSION agreement at hindi privatization ang planong gawin ng gobyerno sa bagong management contract ng Ninoy Aquino International Airport (NAIA).     Ito ang nilinaw ni Department of Transportation Secretary Jaime Bautista kasunod ng naging pahayag ni Pangulong Ferdinand “Bongbong” Marcos Jr. na walang plano ang pamahalaan na isapribado ang nasabing paliparan.     Pagbibigay […]