• June 21, 2024
  • Ang Diyaryong Pinagkakatiwalaan

Adik na mister kinasuhan, misis kinatay

HINDI umobra ang kasong isinampa ng misis sa kanyang mister na umano’y adik matapos tuluyan itong patahimikin nang pagsasaksakin ito sa loob ng kanilang silid, iniulat kahapon (Miyerkules) ng umaga sa lalawigan ng Pangasinan.

 

Kinilala ang biktimang si Jennelyn Qumiang habang tugis naman ang suspek na kinilalang si Reynaldo Catungal Loresco, at kapwa residente ng Brgy. Cablong sa bayan ng Sta. Barbara Pangasinan.

 

Batay sa report ng Sta Barbara Police Station, dakong alas-3:00 ng madaling-araw nang maganap ang insidente sa loob ng kuwarto ng mag-asawa sa nasabing lugar.

 

 

Lumabas sa imbestigasyon ng pulisya, nagkaroon ng pagtatalo ang mag-asawa sa loob ng kanilang kuwarto na nauwi sa pananaksak na ikinamatay ng biktima.

 

Kwento ng mga anak ng biktima, narinig pa nilang nag-aaway ang kanilang mga magulang subalit makalipas ang ilang minuto ay bigla na lamang tumahimik.

 

Lumabas sila ng kanilang silid para alamin ang nangyari pero nakita na nila ang ama na duguan ang mga kamay at naghuhugas habang ang kanilang ina ay nakahandusay sa sahig at naliligo sa sariling dugo at wala ng buhay.

 

Kaagad naman humingi ng tulong sa awtoridad ang mga anak pero mabilis na tumakas ang suspek gamit ang motorsiklo.

 

Nabatid na kinasuhan ng biktima ang suspek ng kasong paglabag sa Violence Against Women and their Children (VAWC) dahil sa pananakit sa kanya, subalit nakakapunta pa rin ito sa kanilang bahay.

 

Ayon pa sa pulisya, isa sa mga drug personality si Loresco sa bayan ng Sta. Barbara.

Other News
  • Golden State Warriors tinanghal na kampeon muli sa NBA matapos makuha ang Game 6 vs Boston Celtics

      MULING kinilalang world champions ang Golden State Warriors matapos na tapusin ang best-of-seven series ng NBA Finals sa 4-2 record. Makasaysayan ang ginawa ng Warriors nang makuha ang panalo sa Game 6 doon mismo sa homecourt ng Boston sa score na 103-90 sa harap ng mahigit sa 19,000 fans. Ito na ang ikaapat na […]

  • Karapatan ng mga manggagawa na magwelga, aprubado sa Komite

    INAPRUBAHAN  ng House Committee on Labor and Employment ang draft substitute bill sa House Bill (HB) 7043, na naglalayong palakasin ang karapatan ng mga manggagawa na magwelga.     Ipinaliwanag ni Deputy Speaker at TUCP Party-list Rep. Democrito Mendoza (Partylist, TUCP), may-akda ng panukala na, “The right to strike and to engage in concerted peaceful […]

  • Ikalawang yugto ng digmaan sa Ukraine, nagsimula na

    INIHAYAG  ni Ukraine Office of the President head Andriy Yermak na nagsimula na sa rehiyon ng Donbas ang “ikalawang yugto ng digmaan”.     Sa nasabing aktibidad, mas pinalakas pa ng Russia ang kanilang opensiba.     Ngunit, hinimok ni Yermak ang mamamayan ng Ukraine na magtiwala sa kanilang Armed Forces.     Nauna nang […]