Administrasyon ni PBBM, humirit ng P31-B calamity fund para sa susunod na taon
- Published on August 5, 2023
- by @peoplesbalita
HUMIRIT ang administrasyong Marcos sa Mababang Kapulungan ng Kongreso ng P31 billion calamity fund para sa taong 2024.
Nais kasi ng gobyerno na mas maraming pondo ang maipamahagi sa panahon ng kalamidad.
Kilala rin bilang National Disaster Risk Reduction and Management Fund (NDRRMF), ang panukalang calamity fund ay mas mataas ng 51.2% kumpara sa kasalukuyang P20.5-billion appropriation.
Saklaw ng P31 billion ang P17.9 billion na angkop para sa “aid, relief and rehabilitation services to communities/areas affected by calamities, including training of personnel, and other pre-disaster activities.”
Ang pigura ay tumaas mula sa P12.3 billion na alokasyon ngayong taon.
Kabilang din ang P13.05 billion, mula sa kasalukuyang P7.1 billion, para sa “repair and reconstruction of permanent structures, including capital expenditures for pre-disaster operations, rehabilitation and other related activities.”
Hindi naman kasama sa panukala ng NDRRMF ang ‘ line item’ para sa Marawi Siege Victims Compensation Fund, na mayroong P1 billion alokasyon para ngayong taon.
Ang Republic Act 11696 o Marawi Siege Victims Compensation Act ay nilagdaan upang maging ganap na batas noong April 2022, lumikha ng Marawi Compensation Board. Ang board ay nakalista ng hiwalay sa ilalim ng “Other Executive Offices” at may panukalang budget na P1,117,555,000 para sa taong 2024.
Samantala, ang panukalang calamity fund ay naglalaman ng P7.425 billion Quick Response Fund (QRF) para sa “Department of Agriculture (P1 billion, kahalintulad ngayong 2023), Department of Education (P3 billion, tumaas mula sa P2 billion ngayong taon), Department of Health (P500 million, kapareho ngayong taong 2023), Department of Interior and Local Government (DILG)-Bureau of Fire Protection (P50 million, kaparehong ngayong taon), DILG-Philippine National Police (P50 million, kapareho ngayong taon), Department of National Defense-Office of Civil Defense (P500 million, kaparehong ngayong 2023), Department of Public Works and Highways (P1 billion, bumaba mula sa P11 billion ngayong taon), Department of Social Welfare and Development (P1.25 billion, bumaba mula sa P1.75 billion ngayong taon) at Department of Transportation-Philippine Coast Guard (P75 million) (Daris Jose)
-
Mas marami pang ruta ng bus, dyip, UV bubuksan ng LTFRB
Magbubukas pa ng mas maraming ruta ang Land Transportation Franchising and Regulatory Board (LTFRB) sa operasyon ng mga bus, jeep, at UV Express units sa mga susunod na araw. “We’re going to increase public transport because there is a need to do that, not just in Metro Manila but all across the country,” ani […]
-
70M Filipinos, fully vaccinated bago matapos ang termino ni PDu30
SA loob ng 15 buwan matapos ilunsad ang National Vaccination Program, nakamit ng Philippine government ang target nito na gawing fully vaccinated ang 70 milyong Filipino laban sa Covid-19. Sa pinakabagong report ng National Vaccination Operations Center “as of June 17”, may kabuuang 70,005,247 indibidwal, o 77.78% ng target population ang nakakumpleto na […]
-
Turista kailangang magpakita ng negative COVID-19 test results
Kailangan muling magpakita ng negatibong COVID-19 test results ng mga turista bago makapasok sa destinasyong probinsya dahil sa hindi pa nakapagpapalabas ng pinal na polisiya ang Inter-Agency Task Force on Emerging Infectious Diseases (IATF) ukol sa mga ‘fully-vaccinated’ na. Kabaligtaran ito ng unang inihayag ng pamahalaan na kailangan na lamang ipakita ang ‘vaccination […]