After na sorpresahin ang asawa sa ‘Eat Bulaga’: Super sweet na birthday message ni ARJO kay MAINE, kinakiligan ng netizens

SUPER sweet ng birthday message ni Cong. Arjo Atayde sa kanyang asawa na si Maine Mendoza na nag-celebrate ng ika-29 na kaarawan last Sunday, March 3, 2024.

Sa kanyang Instagram, in-upload ni Arjo ang nakakikilig na photos nila ni Maine, kasama nga ang super sweet birthday message sa kanyang wifey.

Caption ni Arjo, “Thank you for being the best wife, Mrs. Atayde. Thankful everyday that I was blessed with you. I love you, baba! Happy Birthday.” Na sinagot naman ni Maine ng, “Thank you, baba! Ilysm.”

Last Saturday naman, ginulat ni Arjo si Maine nang bigla itong lumabas sa ‘Eat Bulaga’.

Kitang-kita ang pagkagulat ng actress-TV host, nang apir nga ang asawa, kaya matagumpay ang pa-surprise ng mga Dabarkads para sa kanyang 29th birthday.

Sa segment na ‘Peraphy’ nga ito nangyari, na kung saan si Arjo nga ang naging special celebrity guest.

Si Vic Sotto ang nag-introduce sa kanilang “mystery contestant”.

“Ang maglalaro ngayon ay mula sa pelikulang may forever!” say ni Bossing Vic, sabay labas ni Arjo sa studio “Eat Bulaga” sa TV5.

At paglingon ni Maine, ay gulat na gulat nga itong makita ang asawa.

Agad naman siyang niyakap ni Cong. Arjo, habang nagkunwari itong mahihimatay sa sobrang pagka-shock. Dagdag ni Bossing Vic, “Sorry, sorry! Mali pala yung title. Dapat ang title ‘Your Forever!’”

Mensahe ni Arjo, “Maraming salamat din po, of course, ‘no… Bossing, the whole Eat Bulaga! fam, Tito Sen, Boss Joey, for allowing me to be with my wife today. Maraming salamat po!”

Sagot naman sa kanya ni Maine, “Welcome to Eat Bulaga, Cong!’

Bago kasi ang paglabas ng Arjo ay nagbigay na ito ng kanyang birthday message para kay Maine sa pamamagitan ng isang video greeting.

Sabi ni Arjo, “Hi, Baba. Happy, happy birthday. Surprise. I hope you’re having a great time with the Dabarkads today.

“I hope you enjoy your day. I’ll see you later. Let’s celebrate, my love. I’m just so grateful for you. And thank you for being such a great wife.

“And more blessings to you. I’ll always be right behind you. I love you. Happy, happy birthday!”

Komento naman ng netizens sa nakakikilig na birthday message ni Anjo:

“Sweet, may forever pa din sana for them.”

“God bless and many more years to come.”

“Ang lakas makaganda ng snow sa pictures. must be the way it reflects light? pero promise may effect sya na so flattering,”

“Love the beanie!!!!”

“Genuinely happy talaga si Maine! She is incharge sa mangyayari sa career at personal na buhay.”

“She’s so blessed financially and with so much love from her hubby, family, in-laws, co-workers and friends. Sanaol ganyan kaswerte.”

***

HINDI na paaawat sa round 2 ng kanilang tapatan sina Elias (Ruru Madrid) at Calvin (Jon Lucas) sa Black Rider! Sino kaya ang lalamang? Kaninong buhay ang magtatapos sa pinakamatinding pagtutuos?

Si Calvin, ginawang bihag ang pinakamamahal na ina ni Elias na si Alma (Rio Locsin) at buong pagmamalaking ibinalita sa kanyang ama na si Señor Edgardo (Raymond Bagatsing) na hawak niya ang ina ni Black Rider.

Isang hindi inaasahang pagtatagpo ng dating magkasintahan ang naganap. Parehong nagulat sina Alma at Edgardo nang makita nila ang isa’t isa. Napagtanto ni Alma na ang matulunging lalaking sinasabi sa kanya ni Elias ay walang iba kundi ang ama nito na si Edgardo – ang lalaking inakala niyang patay na. Natuklasan naman ni Edgardo na si Black Rider – ang tinik sa kanyang lalamunan at kalaban ng Golden Scorpion – ay ang kanyang sariling anak na si Elias.

Samantala, trinaydor din ni Calvin ang assassin na si Teresa (Michelle Dee). Nangako ang dalagang maghihiganti ito laban sa kanila.

Sa pagtutuos nina Elias at Calvin, sino tunay na magwawagi? Isisiwalat ba ni Señor Edgardo ang katotohanan kay Elias? Ililigtas ba niya ang Black Rider?

Mas iinit pa ang aksyon gabi-gabi sa pagdating ng mga paa ng alakdan – ang mga ama ng Golden Scorpion boys! Anong panganib sa buhay ni Black Rider ang naghihintay sa patikim ng kanilang bagsik?

Abangan pa sina Paolo Paraiso, DJ Durano, Leandro Baldemor, Lander Vera Perez, at Gerald Madrid sa painit nang painit na pag-arangkada ni Black Rider, 8PM sa GMA Prime at 9:40PM sa GTV.

(ROHN ROMULO)