• March 14, 2025
  • Search in People's Balita

  • Ang Diyaryong Pinagkakatiwalaan

 

Agresibong kampanya para sa paggamit ng seatbelt, sisimulan ngayong taon ng LTO

SISIMULAN ngayong taon ng Land Transportation Office (LTO), sa ilalim ng pamumuno ni DOTr Secretary Jaime J. Bautista ang isang agresibong kampanya para sa paggamit ng seatbelt bilang bahagi ng mga hakbang sa kaligtasan sa kalsada.
Ayon kay LTO Chief, Assistant Secretary Atty. Vigor D. Mendoza II, inatasan na niya ang lahat ng Regional Directors at mga pinuno ng District Offices na gawing mas episyente ang paggamit ng social media at iba pang mass communication platforms upang hikayatin ang mas maraming motorista na sumunod sa umiiral na batas sa mandatoryong paggamit ng seatbelt.
“Ang aming paraan dito ay magiging dalawang aspeto: una, ang mahigpit na pagpapatupad sa pamamagitan ng deployment ng aming mga enforcer at pakikipag-ugnayan sa iba pang mga ahensyang nagpapatupad ng batas. Ang pangalawa ay ang malawakang information drive upang maiparating sa mga motorista ang kahalagahan ng pagsusuot ng seatbelt,” ani Asec Mendoza.
“Bahagi rin ito ng aming programang Stop Road Crash na agresibo nating itutulak ngayong taon,” dagdag niya.
Sa ilalim ng kampanya para itaguyod ang paggamit ng seatbelt, makikipag-ugnayan ang LTO sa mga lokal na pamahalaan at gagamitin ang serbisyo ng mga grupo ng mamamayan at mga organisasyon sa komunidad upang itaas ang kamalayan sa pampublikong kaligtasan.
Hihikayatin din ang pakikiisa ng mga transport groups, paaralan, at iba pang mga stakeholder upang palawakin ang kampanya at pagpapalaganap ng impormasyon ukol sa kahalagahan ng seatbelt para sa mga driver at pasahero.
Sinabi rin ni Asec Mendoza na ang kampanya para sa seatbelt ay magbubukas ng oportunidad para sa pagsasagawa ng mga pananaliksik at pag-aaral na may mga motorista bilang tagatugon, pati na rin ang implementasyon ng iba’t ibang programa at proyekto, at ang pagtataguyod ng isang road safety advocacy network system.
“Ang kampanya ay magbibigay-diin sa kahalagahan ng seatbelt sa kaligtasan upang mas suportahan ang pinakaepektibong pagpapatupad nito,” ani Asec Mendoza.
“Ang pagbuo ng mga plano at programa para sa isang pambansang kampanya sa impormasyon, edukasyon, at komunikasyon tungkol sa kahalagahan at tamang paggamit ng seatbelt ay mahalaga upang mapataas ang kamalayan at maitaguyod ang kaligtasan sa kalsada,” dagdag niya.
Magsasagawa rin ang LTO ng regular na pagsusuri sa kahusayan at pagiging epektibo ng kampanya para sa paggamit ng seatbelt. (PAUL JOHN REYES)
Other News

  • Investment hub ng Pilipinas matagumpay na naibida sa 2023 World Economic Forum

    MATAGUMPAY na naiparating ng Pilipinas sa World Economic Forum na bukas ang ating bansa sa mga negosyo.     Ayon kay House Speaker Martin Romualdez, naibida ng Philippine delagation sa World Economic Forum attendees ang pagiging premier investment hub ng Pilipinas.     Punto ni Speaker Romualdez na maraming multinational company na ang nagpa-planong magtayo […]

    read more

  • ‘Huwag Kang Mangamba’, nakakuha ng nominasyon sa prestihiyosong ContentAsia Awards 2021

    NAKAKUHA ng nominasyon ang Kapamilya teleseryeng Huwag Kang Mangamba bilang Best Drama Series/Telefilm Made for a Single Asian Market sa prestihiyosong ContentAsia Awards 2021.     Makakatapat ng inspirational teleserye ang iba pang apat na nominadong programa mula sa Asya. Pararangalan naman ang winner sa isang virtual ceremony sa Agosto 27 base sa kahalagahan at pagiging akma nito […]

    read more

  • 2 linggong timeout na hiling ng medical frontliners, gagamitin ng pamahalaan sa pag-fine tune ng mga hakbang kontra Covid -19

    GAGAMITIN ng gobyerno ang 2 linggong “timeout” na hiniling ng mga medical frontliners para mag-fine tune o mag-recalibrate ng mga hakbang sa pagtugon ng bansa sa Covid -19 pandemic. Sinabi ni Presidential Spokesperson Harry Roque, mas paiigtingin ng gobyerno ngayon ang T3 o testing tracing at treatment sa mga Covid- 19 positive individuals. Sa kabilang […]

    read more
People's Balita.
All rights reserved. © Copyright 2025.