Awarding ng tseke sa 4 Olympic medalists sa Malacañang
- Published on August 16, 2021
- by @peoplesbalita
Gusto ng Philippine Sports Commission (PSC) na pagsabayin ang pagbibigay ng cash incentives at awards kina Olympic Games medalists Hidilyn Diaz, Nesthy Petecio, Carlo Paalam at Eumir Felix Marcial sa Malacañang.
Sinabi kahapon ni PSC chairman William ‘Butch’ Ramirez na naghihintay sila ng ‘go signal’ mula sa Office of the President para sa pamamahagi ng mga tseke nina Diaz, Petecio, Paalam at Marcial.
“We are awaiting for the green light of Malacanang to award these checks,” ani Ramirez kahapon sa PSC Hour program. “The President mentioned that he wants a specific date na ibibigay niya nang personal ang mga prizes sa mga atleta.”
Kasalukuyan nang inaayos ng sports agency ang P10 million check at bonus na P5 milyon sa Olympic gold medalist na si Diaz, ang tig-P5 milyon ng mga silver medal winners na sina Petecio at Paalam at P2 milyon ng bronze medalist na si Marcial.
Magbibigay pa si Pangulong Duterte kay Diaz, tinapos ang 97 taon na paghihintay ng bansa sa kauna-unahang Olympic gold, ng bonus na P3 milyon bukod sa isang house and lot sa Zamboanga City.
Sina Petecio at Paalam ay tatanggap naman ng tig-P2 milyon at P1 milyon kay Marcial.
Makukuha rin nina Diaz, Petecio, Paalam at Marcial mula sa Presidente ang kani-kanilang Order of Lapu-Lapu award.
May matatanggap namang tig-P200,000 mula sa Malacañang ang mga non medalists.
“Aside from that we are adding P250,000 sa lahat ng atleta at coaches na pumunta ng Tokyo (Olympics). Very fortunate itong 19 delegates,” ani Ramirez.
-
Pangamba ng MMFF producers sa ‘1st day, last day’ showing, pinawi
Walang dapat ipangamba ang mga producer ng 10 entries ng Metro Manila Film Festival (MMFF) ngayong taon. Ito’y kaugnay sa tila nangyayaring pullout o pag-alis sa mga sinehan sa mga nakalipas na taon, kapag hindi pumapatok sa takilya ang isang MMFF entry. Ayon kay Dondon Monteverde, ang pinuno ng online streaming na siyang […]
-
Pag-IBIG Fund net income, pumalo sa ₱38.06B record-high nitong Oktubre 2022
NAKAPAGTALA ang Pag-IBIG Fund ng record-high net income na ₱38.06 bilyong piso mula Enero hanggang Oktubre 2022. Sa isang kalatas, sinabi ng Pag-IBIG Fund na nakapagtala ito ng bagong record net income kung saan nalampasan ang ₱34.73 bilyon na nakuha noong taong 2021. Ang record-high ay 39% increase kumpara sa kahalintulad […]
-
Bagong hawa ng COVID-19 sa Pilipinas nasa 1,414, kaso iniakyat sa 564,865
Pumalo patungong 564,865 ang kabuuang bilang ng tinamaan ng coronavirus disease sa Pilipinas ngayong Martes sa muling paglobo ng arawang kaso sa 1,414. Nakikipagbuno pa rin naman ngayon sa sakit ang nasa 29,817 sa bansa, o ‘yung mga “aktibong kasong” ‘di pa gumagaling o namamatay. Nasa 16 naman ang bagong ulat […]