Ayaw talagang paawat ang sikat na Pinoy Boyband: Bagong kanta ng SB19 na ‘Moonlight’, nag-number one sa siyam na bansa

AYAW paawat ang SB19!

Number one na sa music charts ng siyam na bansa ang bago nilang kantang “Moonlight.”

Kaka-launch lamang ng “Moonlight” nitong May 3 pero may 1.1 million views na sa Youtube ang music video ng naturang kanta ng SB19.

Ang “Moonlight” ay collaboration song ng SB19 with Ian Asher at Terry Zhong at number one na nga, bukod siyempre sa Pilipinas, sa mga bansang Singapore, Hong Kong, Saudi Arabia, UAE, Indonesia, Cambodia, Bahrain, at Qatar nito lamang Linggo, May 5.

Nasa 10th place na rin sa iTunes sales ang song sa buong mundo noon pang May 4.

“SLMT ng sobra for swimming, A’TIN!” ang post ng pasasalamat ng SB19 tungkol sa bago nilang achievement na ito.

Ang music video ng “Moonlight” ay mismong ang SB19 member na si Justin ang nagdirek.

Si Jay Roncesvalles naman ang namahala sa choreography ng kanta, na siya ring choregrapher ng “GENTO” ng SB19.

At sa May 18 at 19 ang concert ng SB19 sa Smart Araneta Coliseum pero ilang linggo na raw soldout ang mga tickets para sa concert nina Justin, Pablo, Ken, Josh at Stell.

***

SPEAKING of number 1, nangunguna sa streaming app na Vivamax ang “Lady Guard” na pinagbibidahan nina Angela Morena at Irish Tan bilang… lady guards, siyempre.

Leading man naman dito sa una niyang pagbibida si Anthony Davao, na pamangkin ni Mymy Davao na naging isa sa mga close friends namin ng editor ng tabloid na ito noong nasa Pilipinas pa si Mymy at aktibo pa bilang aktres.

Nasa Amerika na si Mymy at doon nab sed for may years now.

May basbas naman raw ni Mymy ang paghuhubad ni Anthony bilang Vivamax actor.

Fitness instructor si Anthony kaya naman hunk na hunk ito at nagmumura ang mga bulging muscles at kung ano pa ang puwedeng mag-bulge sa katawan niya.

Pero dahil galing sa pamilya ng mga artista, hindi lamang paghuhubad ang goal ni Anthony; nais rin niyang makilala bilang mahusay na aktor.

Lahad niya, “Siyempre naka-focus din tayo ngayon sa acting skills, not only the sexy scenes and all. Gusto ko rin siyempre ma-showcase yung acting talaga kasi the sexy scene is there, you can do it, alam mo yun?

“Pero yung acting talaga is doon mo maipapakita kung talagang actor ka o hindi, it’s just not being a sexy actor but the acting itself, ayun.”

Nais rin ni Anthony na maidirek siya ng Tito Ricky Davao niya balang-araw.

(ROMMEL L. GONZALES)