• June 17, 2024
  • Ang Diyaryong Pinagkakatiwalaan

Ayuda ng PCSO pinatitigil na

REREBYUHIN ng Kamara ang ilang bilyong mandatory contributions na binibigay ng Philippine Charity Sweepstakes Office (PCSO) sa mga ahensya ng pamahalaan na nagiging dahilan upang maubos ang pondo nito at hindi na mapaglaanan ang para sa medical assistance.

 

Ang aksyon ng Kamara ay resulta ng naganap na pagdinig kahapon ng House Committee on Games and Amusement kung saan kinuwestiyon ni Surigao del Norte Rep Prospero Pichay ang masyado nang maliit na medical assistance na binibigay ng PCSO sa mga nangangailangan.

 

Inamin ni PCSO General Manager Royina Garma na totoong pinaliit nila ang pondo sa Individual Medical Assistance dahil na rin sa Universal Health Care Law at bulto ng kanilang pondo ay napupunta sa mandatory contributions.

 

“Our charity fund is totally exhausted, we cannot give what we do not have,” paliwanag ni Garma. Aniya, sa 30% revenue allocation para sa charity fund ay malaking bulto ang napupunta sa taxation, nasa 4% sa pondo ay direktang mapupunta sa UHC at 6% naman sa mandatory contribution sa mga ahensya na nakapaloob sa mga Republic Act at Executive Order, 3% ang napupunta sa pagpopondo sa Malasakit Program at donasyon sa ambulansya sa mga Local Government Unit at nasa 2 hanggang 3% na lamang ang natitirang pondo na maaaring mailaan sa medical assistance sa mga nangangailangan.

 

Sa kasalukuyan ay P5,000 hanggang P10,000 na lamang ang kayang ibigay ng PCSO.

 

Ilan sa mga ahensya na may mandatory contribution sa kita ng PCSO ay ang CHED na may P280M kada taon; P1B Standby Fund para sa Severe Acute Respiratory Syndrome (SARS); P250M standby fund sa Avian Influenza; P250M Museum Endowment Fund; Philippine Sports Commission Program; Dangerous Drugs Board (DDB); Girls Scout at Boys Scout of the Philippies; Quezon Institute; Nutrition Foundation, OWWA, PDEA at iba pa.

 

Sinabi ni Pichay na kasalanan din ng mga mambabatas kung bakit nauubos ang pondo ng PCSO. Kalimitan aniya sa mga batas na ginagawa ng Kongreso ay nakasaad na ang pondo na gagamitin sa pagpapatupad ng programa ay kukunin sa PCSO.

 

“We have to rationalize the PCSO funds, hindi na dapat ang Kongreso ang makikialam kung saan gagamitin ang revenue nila dahil yung charity ang siyang naaapektuhan,” paliwanag ni Pichay.

 

Apela ni Pichay sa House Leadership na kung nais nitong mailaan sa medical assistance ang pondo ng PCSO at talagang makarating ito sa mga may sakit ay magkaroon ng pagbabago sa panig ng Kamara pagdating sa pagpasa ng funding sa PCSO.

 

Hiniling din nito na rebyuhin ang mga mandatory contribution na binibigay ng PCSO gaya sa CHED na maaaring hindi na kumuha sa PCSO dahil mayroon na itong nakukuhang sapat na pondo. (Daris Jose)

Other News
  • Pamahalaang Panlalawigan ng Bulacan, itinaas ang kamalayan ng publiko ukol sa disaster resilience

    LUNGSOD NG MALOLOS – Maliban sa pagiging handa, ipinatupad ng Pamahalaang Panlalawigan ng Bulacan sa pamamagitan ng Provincial Disaster Risk Reduction and Management Office (PDRRMO) ang kampanya sa disaster resilience upang maitaas ang kamalayan ng publiko sa kahalagahan ng maagap na pagtugon sa mga sakuna.     Bilang bahagi ng National Disaster Resilience Month 2022 […]

  • US FDA nagbigay na nang ’emergency authorization’ sa COVID-19 vaccine ng Pfizer

    Pormal nang inirekomenda ng US Food and Drugs Administration (FDA) ang pagbibigay authorization sa COVID-19 vaccine ng Pfizer.   Inilabas ang emergency use authorization (EUA) matapos ang ginawang virtual meeting ng 21 Vaccines and Related Biological Products Advisory Committee.   Mayroong 17 sa mga expert panel ang sumang-ayon sa pagbibigay authorization sa bakuna habang apat […]

  • ‘Shazam 2’ First Official Image Reveals All 6 Redesigned Superhero Suits

    DAVID F. Sandberg, director of Shazam: Fury of the Gods reveals the first official look at the entire Shazam family’s new costumes.     Following the success of 2019’s Shazam, Warner Bros. greenlit a sequel with Sandberg back at the helm.     The first movie followed the origins of young hero Billy Batson (Asher Angel), who […]