Bading natagpuang tadtad ng saksak
- Published on October 22, 2020
- by @peoplesbalita
DAHIL sa mabahong amoy, nadiskubre ang bangkay ng isang 44-anyos na bading na tadtad ng saksak sa iba’t ibang bahagi ng katawan sa loob ng kanyang inuupahang tindahan sa Malabon City, kamakalawa ng hapon.
Sa nakarating na report kay Malabon Police Chief Col. Angela Rejano, ala-1:40 ng hapon nang matagpuan ang bangkay ng biktimang si Emy Yruma, 44, store owner, sa loob ng kanyang inuupahang tindahan sa 22 Don Basilio Bautista Boulevard, Brgy. Hulong Duhat.
Batay sa inisyal na imbestigasyon nina PSSg Jeric Tindugan at PSSg Jose Romeo Germinal, nakaamoy ng mabahong amoy mula sa loob ng tindahan ng biktima na mula pa noong Sabado ng umaga ay sarado ang saksing si Teodoro “Ted” Bernabe, 69, Kagawad ng Brgy. Hulong Duhat at residente rin sa naturang lugar.
Dahil dito, nagpasya ang saksi kasama ang mga barangay tanod na sirain ang padlock ng tindahan sa pahintulot ng may-ari ng inuupahang tindahan na si Alberto Bernabe.
Nang mabuksan ang rolled-up door, tumambad sa kanila ang bangkay ng biktima na nakahandusay sa sahig at namamaga na ang katawan nito kaya’t agad nilang ipinalaam sa pulisya ang insidente.
Lumabas sa cursory examination ng rumespondeng mga tauhan ng NPD-SOCO sa pangunguna ni P/ Capt. Sonny Boy Tepace, nagtamo ng mga saksak sa iba’t-ibang parte ng katawan ang biktima.
Ipinag-utos na ni Col. Rejano sa kanyang mga tauhan ang pagsa- sagawa ng follow-up imbestigasyon sa posibleng pagkakilanlan at pagkakaaresto sa suspek habang inaalam pa ang motibo nsa insidente. (Richard Mesa)
-
P1,000 taas sa buwanang sahod para sa mga kasambahay sa NCR, aprubado na – DOLE
INAPRUBAHAN na ng Regional Tripartite Wages and Productivity Board-National Capital Region (RTWPB-NCR) ang P1,000 taas sa buwanang sahod ng mga kasambahay ayon sa Department of Labor and Employment (DOLE). Ayon kay DOLE spokesperson Rolly Francia, magiging P6,000 na ang buwanang sahod ng mga kasambahay sa National Capital Region. Nasa 200,000 kasambahay […]
-
Suporta sa Presidential bid ni Bongbong sa 2022 tumitindi
Dalawampu’t-limang cause-oriented organizations ang nagsanib pwersa para suportahan ang kandidatura ni Ferdinand ‘Bongbong’ Marcos, Jr. para sa pagka-pangulo sa darating na eleksyon sa Mayo 2022. Kamakailan, binisita ng Progressive Alliance for BBM ang campaign headquarters ni Marcos sa Mandaluyong City para magsumite ng isang manifesto na nagpapahayag ng kanilang suporta. […]
-
‘Hinahanap ni Duerte na next PhilHealth chief, magaling sa ‘legal at accounting’
Posibleng may bago na umanong PhilHealth president at chief executive officer ngayong linggo. Ito ang kinumpirma ni Health Secretary Francisco Duque III. Ayon kay Duque, sa ngayon ay puspusan na ang paghahanap daw ng Pangulong Rodrigo Duterte sa ipapalit sa nag-resign na Philippine Health Insurance Corporation (PhilHealth) president at CEO Ricardo Morales. Sinabi pa […]