BAHAY SA NAVOTAS, NI-LOCKDOWN
- Published on May 24, 2021
- by @peoplesbalita
ISINAILALIM ng Lokal na Pamahalaan ng Navotas ang isang bahay sa lungsod matapos may 10 na miyembro ng pamilya ang nagpositive sa COVID-19, alinsunod sa IATF guidelines.
Ayon kay Mayor Toby Tiangco, ang mga nakatira sa naturang bahay ay sinuotan na ng quarantine band para mabantayan na hindi sila lumabas ng bahay.
Inihalintulad ni Mayor Tiangco ang nangyaring ito noong ni-lockdown din ang isang lugar sa lungsod matapos magpositibo ang 14 katao na dumalo sa isang party, Mayo noong nakaraang taon.
“Ganito po nagsimula ang pagtaas ng ating mga kaso kaya lubusin po natin ang pag-iingat at pagsunod sa health protocols. Sa bahay na po ang hawaan ngayon, di na masyado sa opisina o lugar ng trabaho. Ito ay dahil mas kampante tayo sa bahay at pakiramdam natin wala namang sakit ang mga kasama natin” ani alkalde.
“Pero sa panahon ngayon na laganap na ang COVID-19, hindi na natin sigurado kung sino ang maysakit. Napakadaling mahawaan pero napakahirap o napakatagal magpagaling”, dagdag niya.
Tiniyak naman ng pamahalaang lungsod na bibigyan ng relief foods ang mga miyembro ng pamilya, gaya ng ginagawa sa mga lugar na isinailalim sa lockdown.
Patuloy ang paalala ni Tiangco sa lahat na mag-ingat at hinikayat niya na magpabakuna para protektado laban sa sakit at wag aniya sayangin ang sakripisyo ng lahat. (Richard Mesa)
-
Taas-pasahe sa MRT-3, hindi pa pinag-uusapan
WALA PA umanong nagaganap na pag-uusap kung magtataas ng pasahe ang Metro Rail Transit Line 3 (MRT-3), sa kabila nang patuloy na pagtaas ng presyo ng mga produktong petrolyo sa bansa. Ayon kay MRT-3 Director for Operations Engr. Mike Capati, sa ngayon ang pokus nila ay makatulong sa mga commuters at maiwasan ang […]
-
Mataas na bilang ng COVID-19 cases sa mga DepEd personnel, ikinaalarma
IKINAALARMA ni Assistant Minority Leader at ACT Teachers Rep. France Castro ang mataas na bilang ng COVID cases sa mga personnel ng Department of Education. Kasabay nito, hinikayat ng mambabatas ang Department of Education na agad kumilos para masiguro na maibibigay ang healthcare services at tulong sa mga DepEd personnel na nagkasakit ng covid. […]
-
CLAUDINE, puring-puri ng netizens sa trailer ng reunion movie nila ni MARK ANTHONY
FINALLY, maipalalabas na ang Deception ang much-awaited reunion movie nina Claudine Barretto at Mark Anthony Fernandez na ihahatid ng Viva Films at Borracho Productions. After 25 years, muling nagkasama sina Claudine at Mark sa pelikula na matagal na nilang wini-wish na matupad. “Ang gustung-gusto ko kay Claudine, naging independent woman siya, […]