Mataas na bilang ng COVID-19 cases sa mga DepEd personnel, ikinaalarma
- Published on October 22, 2020
- by @peoplesbalita
IKINAALARMA ni Assistant Minority Leader at ACT Teachers Rep. France Castro ang mataas na bilang ng COVID cases sa mga personnel ng Department of Education.
Kasabay nito, hinikayat ng mambabatas ang Department of Education na agad kumilos para masiguro na maibibigay ang healthcare services at tulong sa mga DepEd personnel na nagkasakit ng covid.
Nabatid sa isinagawang interpelasyon ng badyet na nasa 2,193 personnel ng Department of Education sa buong bansa ang nahawa ng COVID-19. Sa bilang, 561 ay active cases, 1584 ang gumaling habang 48 naman ang nasawi.
“We raise alarm over the huge number of COVID cases among DepEd personnel. With that high number of cases of COVID among DepEd personnel, what has the agency done to aid their personnel? What can its personnel expect from the DepEd to ensure they will be taken care of in case they get COVID?” pagtatanong ni Castro.
Umapela pa ito sa departamento na siguruhin na may access ang kanilag personnel sa healthcare services bukod pa sa PhilHealth benefits.
Sinabi pa ng mambabatas na dapat magsilbing wake up call ang mataas na bilang ng COVID cases sa mga DepEd personnel para gumawa ng dagdag na paraan upang matulungan ang mga ito.
Ipinanukala rin nila na ibalik sa 2021 national budget ang P500 annual medical check-up at lump sum na P2B para sa libreng medical treatment at hospitalization ng mga teachers at non-teaching employees. (Ara Romero)
-
3 tulak arestado sa P.7 milyon halaga ng shabu
TIMBOG ang tatlong umano’y notoryus drug pushers matapos makuhanan ng nasa P.7 milyon halaga ng shabu sa isinagawang buy-bust operation ng mga pulis sa Malabon City, kahapon ng umaga. Kinilala ni Malabon police chief P/Col. Jessie Tamayao ang mga naarestong suspek na si Paul John Mendoza, 23, Ian Vher Oquendo, 28, kapwa ng Block […]
-
Panibagong challenge ang pagpasok niya sa politics: ANGELU, masuwerteng nasa ticket ni Mayor VICO kaya ‘di nahirapang manalo
ANG ganda-ganda ni Angelu de Leon sa suot niyang blue terno na siya ay manumpa bilang member ng city council ng Pasig City. Nagsimula ang term of office ni Angelu bilang newbie konsehala noong July 1. Panibagong challenge kay Angelu ang pagpasok niya sa politics. Having seen her grow up mula […]
-
Malungkot na ibinalita ni Liza: Repeat concert ni ICE, na-postpone dahil sa severe asthma attack
MALUNGKOT ngang ibinalita ng wifey ni Ice Seguerra na si Liza Diño-Seguerra na postponed na ang ‘Videoke Hits: The Repeat ’ ngayong Sabado, June 1 sa Music Museum. Ipinost na nga ito ni Liza sa Fire and Ice PH Facebook page para sa mga fans ni Ice at mga nakabili na ng tickets… […]