Balik-serye na rin silang mag-asawa: Plano nina MIKAEL at MEGAN na magkaroon ng anak, on-hold pa rin
- Published on March 25, 2023
- by @peoplesbalita
ILANG beses nang tumanggi na gumawa ng teleserye si Miss World 2013 Megan Young dahil hindi raw nito bet ang lock-in taping noong kasagsagan ng pandemya.
Pero ngayon at maluwag na ang pagtrabaho sa set, tinanggap na ni Megan ang teleserye na ‘Royal Blood’ kunsaan magkasama sila ng mister na si Mikael Daez.
Post ni Megan sa IG: “Bonez & Fofo are back on TV. grateful and proud to be a part of GMA’s #RoyalBlood alongside such talented actors. I’m excited to get back to taping!!!
“It’s been so long since I’ve been on the set and I’m soooo excited to be working with Direk Dominic Zapata again! Thank you @gmanetwork for trusting me to be a part of this show.”
Maraming netizens ang hinahanapan na ng anak sina Megan at Mikael. Pero mukhang on-hold pa rin ang plano ng dalawa na magkaroon ng anak.
Sa isang episode ng kanilang podcast, nasabi ni Megan ay: “If I get pregnant, okay, and if not, then we just continue living life.”
Sagot naman ni Mikael: “I say we’re going with the flow. And it’s really all up to Megan. Because like you said, you are the baby carrier and I’m just here to tell them that I’m here to support them.”
***
PAM-BEAUTY queen ang dating ng bagong Sparkle talent na si Shuvee Etrata.
Sa TikTok na-discover ang 21-year old na Cebuana beauty kunsaan meron siyang 2.3 million followers with over 50 million likes dahil sa mga pinu-post niyang videos na sumasayaw siya, nagli-lipsync at kung ano ang trending sa fashion ngayon.
May height at morena beauty si Shuvee kaya puwedeng-puwede siyang lumaban either sa Miss Universe Philippines or Miss World Philippines.
Pero mukhang mas interesado at enjoy si Shuvee sa showbiz, lalo na’t kasama siya sa cast ng top-rating figure skating series ng GMA na ‘Hearts On Ice’.
Ginagampanan ni Shuvee ang role na Kring-Kring, ang best friend ni Ponggay played by Ashley Ortega. Wala raw eksena si Shuvee na nasa ice skating rink siya dahil hindi pa raw siya marunong. Kunwari na lang daw na marunong siya.
“Balang araw po, pag-aaralan ko ang mag-figure skating. Sa ngayon po, let’s leave that kina Ashley at Skye (Chua) dahil sila ang professionals sa sport na ito. Happy na ako na best friend ako ni Ponggay,” sey pa ni Shuvee.
Bukod sa showbiz, isa palang ambassador si Shuvee ng Tourism Promotions Board of the Philippines. Tumutulong siya sa promotion initiatives para sa Cebu.
(RUEL J. MENDOZA)
-
PINAS, patuloy na idedepensa ang sovereign rights sa WPS-PBBM
IPAGPAPATULOY ni Pangulong Ferdinand Marcos, Jr. ang pagdepensa sa sovereign rights ng Pilipinas sa West Philippine Sea (WPS) Ito’y sa gitna ng protesta ng Tsina sa bagong mga batas na nagbigay ng ‘ngipin’ sa pag-angkin ng Pilipinas sa resource-rich area. Tinukoy ni Pangulong Marcos ang Philippine Maritime Zones Act at Philippine Archipelagic Sea Lanes, tinintahan […]
-
50 milyong syringe vs COVID-19, nasayang
Ibinisto ni Foreign Affairs Secretary Teodoro Locsin Jr., na pinalampas umano ng pamahalaan ang pagkakataong makakuha ng 50 milyong heringgilya. Sa twitter account ni Locsin, sinabi nito na tinalakay sa Washington DC ang pangangailangan para sa mga heringgilya subalit tumanggi ang mga ahensiya ng Pilipinas na pag-usapan ang mga detalye tungkol dito. […]
-
Alex Eala nakasama sa wild card ng Miami Open
LABIS na ikinatuwa ngayon ni Pinay tennis star Alex Eala ang pagkakasama niya sa wild card ng Miami Open. Isa kasi ang 19-anyos na Pinay tennis sensation sa pitong wildcards sa main draw ang napili ng Women’s Tennis Association (WTA). Magsisimula ang nasabing torneo sa darating na Marso 18 sa Hardrock Stadium sa Miami, Florida. Si […]