Balitang dinumog ng Vilmanians ang movie: VILMA, inaasahang mag-Best Actress din sa ‘Manila International Film Festival’
- Published on February 1, 2024
- by @peoplesbalita
TUMAWAG sa amin ang isang kaibigang Vilmanian na naka-base na ngayon sa Amerika.
Ibinalita niya sa amin na punum-puno raw at dinumog ng mga Vilmanians ang pelikulang “When I Met You In Tokyo”.
Ang naturang movie nina Star for All Seasons Vilma Santos at Drama King Christopher de Leon ang opening movie para sa on going Manila International Film Festival.
Marami raw ang kinilig sa mga nanood at kitang-kita pa ng source namin na may mga pinaiyak sina Ate Vi at Boyet dahil sa naturang movie.
Umaasa naman ang mga Vilmanian na si Ate Vi pa rin ang tatanghaling best actress sa awards night sa Feb. 2.
Supposed to be ay ire-consider na sana ni Ate Vi ang pagdalo sa MIFF pero may biglaang meetings na dapat personal niyang dadaluhan.
Well, may kinalaman kaya ito sa pangungulit ng mga taga-Lipa at iba pang politicians na tanggapin ni Ate Vi ang alok na siya ang ipapalit sa puwesto ng asawang si Ralph Recto bilang kongresista.
Come to think of it, si Ate Vi ang kauna-unahang representative ng lone district ng Lipa at sinundan ni Cong. Ralph na ngayon nga ay Secretary of Finance na ng administrasyong Marcos.
***
SA 20th wedding anniversary ng mag-asawang Gladys Reyes at Christopher Roxas na kung saan isinabay na rin nila ang 18th birthday ng panganay na anak na si Christophe, ay ganun na lang ang pakiusap ng aktres na huwag nang banggitin pa ang mga binitawang patutsada ni Claudine Barretto kay Angelu de Leon.
Banggit pa ni Gladys, na pag-usapan na lang daw ang magagandang nangyari sa okasyon na ginanap sa sosyal Glass Garden sa Pasig.
Sa totoo lang naman, sa panahon ngayon ay wala na yatang mag-celebrate nang ganun kabonggang okasyon na bukod sa super delicious na food ay more than a thousand visitors ang dumating with matching concert para sa lahat.
Kaya quiet na lang kami sa isyu nina Claudine at Angelu although nakausap namin ang kunsehala na ngayong si Angelu bago pa man dumating sa venue si Claudine.
May effort pa nga si Gladys na pagsamahin ang dalawa sa stage pero nakaalis na si Angelu.
(JIMI C. ESCALA)
-
ANGELINE, nagiging emosyonal pero nag-let go na dahil mas peaceful na ang namayapang ina
NAGING emotional si Angeline Quinto nang sariwain ang alaala ng kanyang namayapang ina sa contract signing cum presscon ng kanyang bagong endorsement na Ayesha Beauty Products noong Biyernes ng hapon sa Romulo’s Café. Aminado si Angeline na masyadong siyang naapektuhan sa pagkamatay ng kanyang ina. “Pero sinabi ko kay Mama na […]
-
Ilang mga government websites at bangko sa Ukraine nabiktima ng cyber-attacks mula sa Russia
NAKARANAS ngayon ng malawakang cyberattack ang Ukraine kung saan tinamaan ang mga government websites. Ayon kay Deputy Prime Minister Mykailo Fyodorov, na bukod sa mga government websites ay may ilang bangko rin ang nabikitma ng nasabing cyberattacks. Inakusahan din nila ang Russia na sila ang nasa likod ng cyber-attacks. […]
-
Romnick at Cris, parehong hanga sa boyfriend ni Kathryn: DANIEL, very pleasant na katrabaho at parang kuya sa young cast
“DANIEL Padilla is very pleasant to work with,” pahayag ni Romnick Sarmienta tungkol sa kalabtim at boyfriend ni Kathryn Bernardo sa zoom presscon ng trending series na 2Goor 2Be True. Mas maganda na raw ang ugnayan nina Romnick at Daniel ngayon na gumaganap bilang mag-ama sa naturang serye. Ayon pa kay […]