BARANGAY NA WALANG COVID CASE NG 2 MONTHS, MAY P100K KAY YORME ISKO
- Published on September 3, 2020
- by @peoplesbalita
BIBIGYAN ni Manila Mayor Francisco “Isko Moreno” Domagoso ng P100,000 insentibo ang barangay na hindi magkakaroon ng COVID19 sa loob ng susunod na 2 buwan.
Ayon kay Moreno, ito ay kung mapapanatili nilang COVID19 free ang kani-kanilang barangay mula Setyembre 1 hanggang Oktubre 31,2020.
Sinabi ni Moreno na naglaan sila ng P89.6 milyong budget para dito, dahil inaasahan niyang mapagtatagumpayan ng lahat ng 896 barangays sa lungsod ang kanyang hamon sa mga ito.
“Kapag kayo po ay walang nairehistro sa amin na walang impeksyon, walang new cases in the next two months sa inyong barangay, kayo po ay magkakamit ng P100,000,” ayon kay Moreno, sa kanyang Facebook Live.
“Kapag walang naitala sa inyong barangay na new infection, kahit mayroon ngayon ay hindi ‘yon kabilang.So anything na maitala na zero from September 1 to October 31, kayo po ay makakatanggap mula sa pamahalaang lungsod ng additional P100,000 sa inyong mga budget,” dagdag pa ni Moreno.
Malaki ang tiwala ni Moreno na malaki ang maitutulong ng naturang proyekto, hindi lamang sa city government, kundi maging sa national government, at sa pagsugpo ng pagkalat ng virus sa bansa.
Bukod naman sa karagdagang pondo, tatanggap din ang mga opisyal ng barangay ng
plaque of appreciation mula sa lokal na pamahalaan, bilang pagkilala sa kanilang pagpupunyagi.
Sa pinakahuling datos ng.lokal na pamahalaan ,may 8,110 kaso ng COVID-19 ang naitala at may 6,911,ang nakarekober.
Kaugnay nito,inaanusiyo ni Moreno na ipinatutupad ang curfew sa lungsod, mula alas 10 ng gabi hanggang alas 5 ng madaling araw.
(GENE ADSUARA)
-
Anytime ay isisilang na ang first baby nila ni Greg: ANGELICA, ‘di na makapaghintay na maibigay ang regalo sa kanyang ‘rare one’
MASAYA talaga ang actress na si Angelica Panganiban ngayon. Nakikita ito sa aura niya at iba rin ang mababakas na contentment sa kanya. Kaarawan ng kanyang partner, ang ama ng magiging anak niya na si Greg Homan. Obviously, naging malapit na rin talaga kay Greg ang mga kaibigan ni Angelica tulad ng very close […]
-
PDu30, nagulat sa pagtakbo ng anak na si Mayor Sara sa pagka-bise Presidente
IKINAGULAT ni Pangulong Rodrigo Roa Duterte ang paghahain ng kanyang anak na si Davao City Mayor Sara Duterte-Carpio sa pagka-Bise Presidente lamang. Sa panayam, sinabi ng Chief Executive na labis niyang ipinagtaka na number 1 sa survey si Mayor Sara subalit pumayag ito na Bise lang ang takbuhan. Sigurado aniya ang Pangulo na […]
-
Pagtatayo pa ng community pantry sa iba’t ibang lugar sa bansa, hindi pipigilan ng Malakanyang
WALANG balak ang Malakanyang na pigilan ang itatayo pang community pantry sa iba’t ibang bahagi ng bansa ngayong panahon ng pandemya. Sinabi ni Presidential Spokesperson Harry Roque na, ‘let a thousand community pantries bloom’ dahil ito aniya ay bayanihan. Sumasalalim aniya ito sa kagalingan ng mga Filipino sa pinakamasamang panahon. Nauna rito, […]