BARBIE, nakikipagsabayan sa veteran actresses na sina BOOTS, SUNSHINE at MARICEL; sayang lang at ‘di kasama si JAK sa serye

BIG surprise pala kay Geneva Cruz nang i-offer sa kanya ng GMA Network ang bago nilang Afternoon Prime na Little Princess na ginagampanan ni Kapuso actress Jo Berry.

      “Nagulat ako kasi nga matagal na akong hindi umaarte. Dahil I chose to focus on singing in concerts and live shows,” sabi ni Geneva.

“Pero ngayong panahon ng pandemic, walang mga shows, at sabi ng mga pinsan kong sina Sheryl Cruz at Sunshine Cruz, i-try ko muling umarte kaya tinanggap ko ang offer.  Si Sheryl kasi nasa ‘Prima Donnas, Book Two’ at si Sunshine nasa ‘Mano Po Legacy: The Family Fortune.’

   “It turned out to be a big challenge to me, dahil ang character ko, si Odessa ay isang kontrabida, aapi-apihin ko si Jo Berry as Princess.  Kaya  I have to study my role, she’s so different from me, comedian kasi ako off-camera. 

“Kaya kung minsan, after a scene, tinatanong ko mga kasama ko sa eksena kung tama ba ang ginawa ko, may kulang ba?  But later on, I enjoyed na doing my character. 

“I enjoyed our lock-in taping kasi masaya, we are like brothers and sisters and I will always treasure it.”

Napapanood na ang Little Princess ng 3:20 PM, after Las Hermanas na finale na today. Kaya starting Monday, January 17, mapapanood na ito after ng Prima Donnas.

***

LONGEST lock-in taping ang magbabalik na GMA Afternoon Prime series na Prima Donnas, starting on Monday after Eat Bulaga. 

Napagkasunduan kasi ng buong cast at production staff na ituluy-tuloy ang taping, para hindi na sila lalabas at pagbalik ay magpa-swab test na naman.  Umabot ng 82 taping days ang serye na dinirek pa rin ni Ms. Gina Alajar, kasama si actor-comedian Philip Lazaro.

Nagpaalam daw si Chanda Romero sa husband niya at nang pumayag na magkakalayo sila ng ganoong katagal ay hindi na siya nag-worry.  Si Wendell Ramos ay wala sa tabi ng wife niya nang magsilang ng bagong baby nila,

Nagkasakit si Katrina Halili, naospital muna siya then pagbalik sa set, inalagaan siya ng mga kasama niya, thankful siya kay Chanda who cares for her, like a mother to her.

Nagkaroon din daw noong una, na parang hindi sila tatagal na hindi lumabas sa bubbles nila, pero nakaisip si Direk Gina na magkaroon sila ng Bible Study, at bago sila mag-roll everyday, nagpi-praise and worship sila at sabi nga ni Wendell, “we’re so blessed we have Direk Gina who believes in the power of prayer.”

***

HUMANGA ang netizens na sumusubaybay gabi-gabi sa Mano Po Legacy: Family Fortune na nakikipagtagisan ng acting si Kapuso Primetime Princess Barbie Forteza, sa mga veteran actresses na sina Ms. Boots Anson Roa-Rodrigo, Sunshine Cruz at Ms. Maricel Laxa.

Sayang nga raw lamang na sana isa sa leading men ni Barbie ay si Jak Roberto, dahil last pa raw nagtambal ang real-life sweethearts ay sa Kara Mia pa noong 2019.

No problem naman daw kina Barbie at Jak, dahil kahit hindi sila magkatambal, ay lagi naman silang may separate project. Basta tuluy-tuloy lamang ang pag-uusap nila, ang communications nila.

“Secure kami ni Jak sa isa’t–isa at personally, comfortable kami sa aming mga family, both with our parents and even our relatives,” sagot ni Barbie sa isang interview.

“We handle our relationship na very mature. Practical at very chill.”

Napapanood gabi-gabi si Barbie sa serye after ng I Can See You: AlterNate sa GMA Telebabad.

(NORA V. CALDERON)