BBM, MAKIKIPAGTULUNGAN SA SIMBAHAN
- Published on June 15, 2022
- by @peoplesbalita
HANDANG makipagtulungan si President-elect Ferdinand Marcos Jr. sa simbahan.
Sa panayam ng Radio Veritas kay Papal Nuncio to the Philippines Archbishop Charles John Brown, sinabi nitong positibo ang kanilang pag-uusap para sa mas matibay na relasyon ng pamahalaan at simbahan.
“We had a very productive, encouraging and positive discussion and the president-elect assured me of his desire to collaborate, cooperate closely with the church and Holy See,” pahayag ni Archbishop Brown sa Radio Veritas.
Ayon sa arsobispo, bilang kinatawan ng Santo Papa sa bansa ay kasama ito sa mga nag-courtesy call sa bagong halal na pangulo ng bansa.
Bumisita ang Papal Nuncio kay President-elect Marcos Jr. nitong June 10 kasama ang lima pang kinatawan mula sa iba pang mga bansa.
Una nang tiniyak ng simbahang katolika ang patuloy na pakikipag-ugnayan sa pamahalaan para sa ikabubuti ng bawat mamamayan.
Ayon kay Caritas Philippines National director, Kidapawan Bishop Jose Colin Bagaforo makipagtulungan ito sa bagong administrasyon para sa programang tutugon sa karapatan at dignidad ng mamamayan, pagsusulong ng katotohanan at matapat na pamamahala.
Dalangin ng simbahan sa administrasyon ni President-elect Marcos Jr. ang tunay na paglilingkod batay sa katarungan, at pagtataguyod sa dignidad ng mamamayan. (GENE ADSUARA)
-
‘Casino, karera ng kabayo, sabong, bawal pa rin sa Alert Level 2’
Bagamat marami na ang mga establisyemento at serbisyo ang pinapayagan sa pagluluwag sa Metro Manila at karatig na lugar sa ilalim ng Alert Level 2, may ilang pa rin sa mga ito ang mahigpit pa ring ipinagbabawal. Batay sa panuntunan ng IATF bawal pa rin ang pagbubukas ng mga casino, karera ng kabayo, […]
-
Magbibitiw sa puwesto dahil nagsasawa ng labanan at tuldukan ang korapsyon sa burukrasya
INAMIN ni Pangulong Rodrigo Roa Duterte na nagpahayag siya na gusto na niyang magbitiw sa puwesto dahil sa pagkadismaya at pagkabigo dahil sa hirap na maalis ang korapsyon sa gobyerno. Sa kanyang public address, Lunes ng gabi ay inamin ng Pangulo na nakararanas siya ng matinding hirap para labanan ang korapsyon sa burukrasya. Aniya, […]
-
South Korea nagsimula ng mamahagi ng mga Paxlovid
SISIMULAN na ng South Korea ang pagbibigay antiviral pill na gawa ng kumpanyang Pfizer para sa mga pasyente na dinapuan ng COVID-19. Mayroong 630,000 pill ang ipapamahagi na sapat lamang sa 21,000 katao. Ang nasabing mga gamot ay ibinahagi sa nasa 280 na botika at 90 na residential treatment […]