Bea, sinabihan ng ina na pumili ng lalaking hindi ‘babaero’ sa kanyang YT vlog

NAKATUTUWA ang recent vlog ni Bea Alonzo sa kanyang You Tube account.

Nakakaaliw sumagot ang mommy ni Bea sa mga tanong na nabubunot nito. Naghahamon pa nga ito na “yun lang ba” raw ang mga comments.

Sa tanong kung sino sa mga ex boyfriend ng anak ang hindi niya gusto, mabilis na sumagot ito nang, “Kailangan pa bang itanong yan?!”

At sa tanong ni Bea kung ano ang ideal man ng ina para sa kanya, binigyang-diin nito na, “dapat hindi babaero!”

Tawanan lang ang dalawa. Walang pangalan na binabanggit ang nanay ni Bea, pero sa mga ex boyfriend ng anak, ang break-up kay Gerald Anderson ang pinaka-sensational.

Wish naman daw ng nanay ni Bea na sana, makapag-asawa ang anak ng mabait at totoong magmamahal dito.   At sana raw, “soon!”

(PHOTO: YOUTUBE/BEA ALONZO)

***

HANGGANG ngayon, pinag-uusapan pa rin ang non-renewal of contract ni Janine Gutierrez sa GMA-7.

Wala pa man formal na anunsiyo na lilipat ito ng ABS-CBN, pero yung sighting na nakasama nito sa lunch or dinner ang isa sa unit head ng ABS-CBN na si Deo Endrinal ay naging sapat na sa karamihan ng netizens na mag conclude na magiging Kapamilya nga ito.

Ang tanong, was it a good decision? Sa panahon ng pandemic at sa panahon din na wala pang renewal of franchise na binibigay sa network.

Isa si Janine sa mga gusto naming artista dahil bukod sa mabait ito, mahusay na actress at maganda. So sana nga, good move ang paglipat ni Janine.

Na baka naman nga may plano sa kanya para i take ang risk of changing network.

Bali-balita rin na si Janine raw ang gagawing Valentina sa Darna series. May nabasa na nga kami na kesyo mas maganda pa raw kung sakali si Janine sa gaganap na Darna.

Maganda rin ang role ni Valentina, lalo na sa gusto ng kontrabida genre. Hindi naman siguro kontrabida role ang tinatahak ni Janine bilang pang-bida talaga siya. (Rose Garcia)