• April 15, 2024
  • Ang Diyaryong Pinagkakatiwalaan

Bea, tahimik na nagpasabog sa pag-babu sa Star Magic

TAHIMIK lang ang naging transaction o transition ng paglipat ni Bea Alonzo ng management.

 

Mula sa ABS-CBN Star Magic hanggang sa pangangalaga na ngayon ng bago niyang manager na si Tita Shirley Kuan.

 

Kaya biglang pasabog na lang na nag-babu na si Bea sa loob ng maraming taon na management niya. Pero binigyang-diin naman, kahit ng official statement na inilabas ng ABS-CBN na management lang ang pinalitan ng actress, pero mananatili pa rin itong isang Kapamilya.

 

Tahimik lang din naman ang manager na napili ni Bea, pero “beterano” na rin as manager kaya ang daming nagsabi na “Bea’s in good hands.” Siya rin ang forever manager tulad nina Donna Cruz at Albert Martinez.

 

Tinatanong namin si Tita SK kung ano ang mga plano niya ngayon kay Bea, pero ayaw pa nitong magkuwento para hindi siguro ma-pre-empt. But knowing her, siguradong may sarili rin itong pasabog para sa bagong talent.

 

Anyway, dahil may bagong manager na si Bea, mukhang naunsiyami o hindi na itutuloy ni Bea ang nakarating sa aming plano raw sana nitong magpahinga muna kahit one year.

 

*****

 

SINALUBONG ni Vice Ganda sa pamamagitan ng kanyang social media account din ang pagbati sa kanyang boyfriend na si Ion Perez.

 

At sa message ni Vice, ramdam na ramdam kung gaano kasaya ang puso nito ngayon, lalo pa nga’t napaka-open ng relasyon nila.

 

Maging ang mga kaibigan ni Vice ay bumati kay Ion at nagandahan sa message nito.

 

Sey ni Vice, “Di ko alam kung anung caption ang ilalagay ko. Gusto kong mag isip ng bonggang mga salita. Pero hindi eh. Nung dumating ka naging pinakamaganda kung ano ung pinakasimple. Kung ano ung totoo yun ang maganda. Kung ano yung sinsero yun ang maganda. Kaya di ko na aartehan.

 

      “Happy Birthday Benigno!!!

 

“Araw araw magdadasal ako kay Lord na alagaan at ingatan ka nya. Na ipahintulot nyang maging matiwasay ka sa lahat ng oras. At sana bigyan nya pa tayo ng mahabang panahong magkasama. Kasi gusto kong makapiling ka pa. Gusto kong mapasaya pa kita. Gusto kong mahalin mo pa. Gusto kong mahalin ka pa. Dahil tuwing mahal kita doon ako masigla at masaya. At hanggat mahal kita yung mundo ko mananatiling maganda!

 

Happy Birthday Noy!!!!!

 

Mahal na mahal ka ni Tutoy!”

 

*****

 

FINALLY ay mapapanood na ang pelikulang Tagpuan.

 

      Ang original na magka-loveteam na sina Congressman Alfred Vargas at Iza Calzado ay muling mapapanood na magkatambal sa isa sa official entries ng Metro Manila Film Festival 2020 sa pelikulang Tagpuan na prinodyus din ni Alfred.

 

Kahit gaano ka-busy bilang isang public service, talagang naitatawid pa rin ni Alfred ang buhay niya bilang isang artista.

 

      “Mahal natin yung arts, mahal natin ang ginagawa natin. I love being an actor as well as being a producer,” saad niya.

 

In fairness, ang dami nga namang pinagdaanan ng movie nila na kinunan din nila sa ibang bansa.

 

“Sobrang dami naming pinagdaanan dito. Sumali kami last year sa Metro Manila Filmfest pero hindi pinalad. Sumali sa Summer MMFF, okay naman, kaso nagkaroon bigla ng pandemic. Pero ngayon, finally, nagkatagpo-tagpo na rin kami rito.

 

“I’m just very, very happy and excited and I just wanna say na it’s very amazing to work with Iza Calzado again and for the first time, to work with Shaina Magdayao who’s one of the best actresses of today’s generation.”

 

Nagpasalamat din ito sa pamunuan ng MMFF na kahit nga raw may COVID-19 at may pandemic, ginagawa pa rin nito ang posible pa rin magawa para lang mabuhay pa rin ang pelikulang Filipino. (ROSE GARCIA)

Other News
  • Duterte binigyan na si Avisado ng otoridad para sa release ng Bayanihan 2 funds

    KINUMPIRMA ng Malacañang na binigyan na ng delegated authority ni Pangulong Rodrigo Duterte si Budget Sec. Wendel Avisado na ilabas na ang P51 billion pondo sa Bayanihan to Recover as One Act (Bayanihan 2).   Sinabi ni Presidential Spokesman Harry Roque, mailalabas ang pondo ngayong araw at hindi na ito dadaan sa Office of the […]

  • Sotto tuloy lang sa training sa US

    Tuloy lang sa pagpapa­lakas si Kai Sotto sa Amerika.     Walang masyadong ingay ang kampo ni Sotto upang makaiwas sa kaliwa’t kanang bashers.     Subalit hindi tumitigil ang 7-foot-3 cager sa pagsasanay upang lubos na maihanda ang kanyang sarili sa pangarap na makapasok sa NBA.     Sa katunayan, kasama ni Sotto sa […]

  • Pagbabayad ng utang sa Philippine National Red Cross, kayang bayaran ng buo

    SINABI ng Malakanyang na walang problema sa usapin ng pondo ang pamahalaan para mabayaran ang utang ng PHILHEALTH sa Philippine National Red Cross.   Giit ni Presidential Spokesperson Harry Roque na kung sa kakayahang magbayad ng gobyerno para ayusin na ang atraso sa PNRC ay kaya naman nito.   Iyon nga lamang ay kailangan lang […]