Beauty Queen na si CANDICE, ‘di nagdalawang-isip na tanggapin ang daring role dahil fan ni Direk ERIK

ANG makatrabaho si Erik Matti ang primary reason kung bakit hindi tumanggi si Candice Ramos na tanggapin ang movie na A Girl and A Guy, na ipalalabas sa Upstream.ph bilang initial offering ng Upstream Originals.   

Fan si Candice ng On The Job, ang award-winning film ni Direk Matti kaya when she was offered the role, hindi na siya nagdalawang-isip, kahit pa na very sexy ang pelikula.

Ayon naman kay Direk Eric, perfect sa role bilang predator si Candice.

At nakaka-relate si Candice sa kwento dahil part din siya ng Gen Z na siyang target audience ng pelikula. Kwento ng Gen Z ang A Girl and A Guy, how they cope with the challenges of the times.

Puring-puri ni Direk Erik si Candice, and other cast members like Sarah Holmes, Alexa Miro, Rosh Barman at Emilio Francisco.

“I love it that they trusted me and the vision that I have for the film. Hindi maganda lalabas ang pelikula if I don’t have intelligent actors who understand their roles and how they are supposed to do it. Konting explanation ko lang sa kanila, alam na nila how to do the scene,” kwento ni Direk Eric.

Candice was crowned Miss Philippines Eco Tourism 2012 kaya marami ang nagulat nang malaman na tinanggap niya ang daring role sa A Girl and A Guy.

Ibang-iba sa tunay niyang personality sa tunay na buhay ang role ni Candice sa pelikula. Pero nauunawaan niya ang intensiyon ng pelikula that’s why she embraced the role fully.

Pero mapangahas man ang role, with matching nudity, naniniwala naman si Candice na if we watch the film, maiintindihan natin why the members of the Gen Z act that way.

A Girl and A Guy will be streamed sa Upstream.ph starting June 24. It is going to be a worldwide release.

***

FIRST lead role ni Paolo Gumabao ang BL movie na Lockdown.

If you don’t know Paolo yet, siya ay anak ng dating actor na si Dennis Roldan.

Siya ang lumalabas na trusted aide ni Eula Valdes sa widely-followed series na Huwag Kang Mangamba.

Siya ang nagbibigay ng impormasyon kay Eula kung ano ang ginagawa nina Mira (Andrea Brillantes) at Joy (Francine Diaz). Kasabwat siya ni Eula sa mga panloloko nito bilang fake healer.

Unang movie ni Paolo ang Lockdown at napasabak agad siya sa matinding acting under the direction of Joel Lamangan.

Ayon sa nasagap naming chika, yummy si Paolo sa movie. Hindi lang namin sure kung may frontal nudity si Paolo dahil hindi naman nabanggit ng aming source.

Pero may promise daw si Paolo bilang actor at marami raw ang mabibighani sa kanya once mapanood ang Lockdown.

Ipalalabas ito sa KTX.ph, Upstream at RAD on July 23.

(RICKY CALDERON)