Bilang ng mga bus na bumibiyahe sa EDSA Carousel Busway, binawasan ng LTFRB
- Published on January 6, 2023
- by @peoplesbalita
BINAWASAN ng Land Transportation Franchising and Regulatory Board (LTFRB) ang bilang mga bus na bumibiyahe sa EDSA Carousel busway, kasunod na rin nang pagtatapos na ng libreng sakay program ng pamahalaan noong Disyembre 31, 2022.
Ayon sa LTFRB, ibinalik na nila sa orihinal na 550 units ang bilang ng mga public utility buses (PUBs), mula sa 758 units na idineploy upang magsilbi sa mga commuters noong holiday rush.
Anang LTFRB, imo-monitor nila ang sitwasyon upang matukoy kung sapat ang naturang orihinal na 550 units upang tugunan ang commuter demand, o kung kakailangan pa nilang mag-deploy ng karagdagang units.
Kasunod nang pagtatapos ng free ride program ng pamahalaan, nabatid na ang mga bus na bumibiyahe sa ruta ng EDSA carousel ay naniningil na ngayon ng mula P12 hanggang P73, alinsunod sa fare matrix na inaprubahan ng LTFRB.
Ayon kay LTFRB chairperson Teofilo Guadiz, layunin ng fare matrix na tiyaking ang mga pasahero ay sinisingil ng tama.
Hinikayat din naman niya ang mga pasahero na kaagad na i-report sa kanilang tanggapan kung may nalalaman silang mga abusadong drivers na naniningil ng sobra-sobrang pasahero. (Daris Jose)
-
PAOLO, muling nagparamdam sa Instagram account after nang pananahimik; may nagyaya na mag-Baguio as a friend
POSIBLENG dahil malapit ng ipalabas ang GMA Afternoon Prime na I Left My Heart in Sorsogon kunsaan, pinagbibidahan ito nina Heart Evangelista, Richard Yap at Paolo Contis kaya ang huli ay biglang nagparamdam na sa kanyang Instagram account. Halos dalawang buwan din itong nanahimik. Ang pinost nga ni Paolo ay ang pag-ride na […]
-
DOLE nagpaalala: 13th month ibigay bago ika-24 ng Disyembre
NAGLABAS na ng guidelines ang Department of Labor and Employment (DOLE) pagdating sa 13th month pay ng mga empleyado, bagay na dapat mabayaran ng employers hanggang bisperas ng Pasko. Ito ang muling idiniin ng kagawaran, Lunes, sa kalalabas lang nilang DOLE Labor Advisory No. 23, Series of 2022. “The 13th month […]
-
Drug stores dinadagsa, paracetamol nauubos
Patuloy na dinadagsa ng publiko ang mga drugstores sa bansa na nagresulta ngayon ng pagkaubos ng paracetamol at iba pang gamot para sa lagnat, trangkaso, ubo at sipon na nauuso ngayong Enero. Sa kabila nito, sinabi ng Department of Health (DOH) na walang nagaganap na kakapusan sa suplay ng paracetamol at iba pang […]