Bilang pagkilala na Living Legend-Outstanding Filipino: SUSAN, pinagkalooban ng Philippine Postal Corporation ng isang special portrait

PINAGKALOOB ng Philippine Postal Corporation ang isang espesyal na portrait para sa yumaong Queen of Philippine Movies na si Susan Roces bilang pagkilala sa kanya na Living Legend-Outstanding Filipino.

Tinanggap ni Senator Grace Poe ang portrait ng kanyang ina mula sa mga opisyal ng PHLPost at nagpasalamat ito sa pagkilala sa kanyang ina na isa sa haligi ng Pelikulang Pilipino ng ilang dekada.

“Maraming salamat sa PHLPost sa pagkilala kay Susan Roces bilang isa sa mga Living Legend Outstanding Filipino. Tunay na ipinagmalaki at ikinagalak niyang matanggap ang parangal na ito,” sey ni Senadora Grace.

Pinost naman ng PHLPost sa kanilang Facebook page ang parangal nila para kay Roces: “The Post Office honored Susan Roces, the Queen of Philippine Movies, as an Outstanding Filipino last February. Her memory will live on, and people will remember her for giving joy and pride to the nation through film and television.”

Kabilang si Roces sa mga napili para sa mga bagong selyo ng outstanding Filipinos na nagsilbing inspirasyon sa kanilang mga larangan.

Kasama ni Roces sina Nora Aunor, Gloria Romero, Rosa Rosal, at Vilma Santos; ang mga scientist na sina Dr. Ernesto O. Domingo at Dr. Baldomero Olivera; at ang bowler na si Olivia “Bong” Coo at basketball player na si Ramon “El Presidente” Fernandez.

***

EXCITED na mapabilang si Jak Roberto sa pinakabagong sports drama ng GMA, ang Bolera.

Ayon kay Jak, ngayon lamang ulit siya mapapanood sa primetime after ng 2017 GMA series na Meant To Be.

“Noong unang sinabi sa akin na Bolera ‘yung magiging title, akala ko comedy tapos ang character name ko kasi Toypits. Sabi ko sa handler ko, ‘Comedy ba ‘to kuya?’ Tapos sabi niya, ‘Hindi heavy drama.’ Tungkol daw kasi sa billiards. Ngayon na lang ulit magkakaroon ng theme na tungkol sa sports ‘di ba, so exciting.

“Though parang madugo kunan niyan kasi game designing. Pero na-excite ako in a way na kasali ako roon and sa primetime siya ipapalabas. After Meant To Be ngayon na lang ulit ako magpa-primetime. Sobrang excited and happy kasi ako ‘yung isa sa mga cast.”

Sa Bolera, bibigyang buhay ni Jak ang kababata ni Joni na si Pepito “Toypits” Canlas, ang magsisilbing unang manager ni Joni sa pagpasok nito sa mundo ng billiards.

Makakasama ni Jak sa seryeng ito sina Kylie Padilla, Rayver Cruz, Gardo Versoza, Joey Marquez, Jaclyn Jose, Al Tantay, at David Remo.

***

WALANG naging ingay ang American Idol sa taong ito, pero may hinirang na silang winner at ito ay ang 20 year-old construction worker from Kentucky na si Noah Thompson.

Naging paboritong contestant si Noah sa auditions pa lang para sa season 20 ng AI. Kaya hindi raw nakakapagtaka na siyang ang makauwi ng title na American Idol at matalo niya sa real-time votes ang mahigpit niyang mga kalaban na sina HunterGirl at Leah Marlene. Nakakuha ng higit sa 16 million votes si Noah.

Ayon pa kay Noah: “As a kid, all I thought about was just playing music, being famous. But where I’m from, you don’t really get much opportunities. My family, they believe in me. The guys I work with believe in me. But I’ve just never believed in myself … I would have never signed myself up for nothing like this. I’ve never had that confidence. It’s pretty cool to know that somebody believes in you more than you believe in yourself.”

Bilang winner, inawit ni Noah ang kanyang single na ‘One Day Tonight’.

Sey ng AI judge na si Katy Perry: “You just swooped in and grabbed every heart in America by singing that song. Do not stop dreaming. There is a plan for you and your life.”

Comment naman ng isang pang AI judge na si Lionel Ritchie: “You have what is now your stage persona. That is called an artist. You have now graduated to that wonderful stage of your life.”

(RUEL J. MENDOZA)