Bong Go, hinikayat ang publiko na magpabakuna
- Published on June 17, 2021
- by @peoplesbalita
HINIKAYAT ni Senador Christopher “Bong” Go ang mga Filipino na maging katulad ng mga NBA fans at magpabakuna laban sa COVID-19 kung gustong makalabas ng pamamahay.
“Magpabakuna po kayo kung gusto niyong makalabas ng pamamahay ninyo,” ayon kay Go sa Talk to the People ni Pangulong Rodrigo Roa Duterte, Lunes ng gabi.
“Sa mga basketball fans, tingnan niyo po ‘yong NBA… sila po ay nakakapanood ng basketball, mga audience, may crowd na po eh. Tayo dito sa Pilipinas medyo huli pa tayo at nakikita niyo na mayroong pag-asa dahil ‘yong bakuna lang talaga,” ayon kay Go.
Tinawagan ng pansin ni Go ang publiko na magtiwala sa bakuna at huwag matakot na magpabakuna.
“Matakot ho kayo sa COVID-19. Ang bakuna po ang susi, solusyon natin dito sa problemang ito,” giit nito.
“As of June 14”, ang Pilipinas ay mayroong 1,879,694 fully vaccinated individuals laban sa COVID-19.
Ipinakikita ng data mula sa National COVID-19 Vaccine Operations Center na mahigit 6.9 million doses ang na-administer sa buong ansa.
Kabilang sa fully vaccinated individuals, 968,750 ay health workers, 479,034 ay senior citizens, 424,889 ay persons with comorbidities, at 7,021 ay essential workers.
Samantaa, may kabuuang 5,068,855 katao naman ang nakatanggap ng “at least one shot” ng COVID-19 vaccine.
Sa nasabing bilang, 1.4 million ay health workers, 1.7 million ay senior citizens, 1.7 million ay persons with comorbidities, at 152,964 ay essential workers. (Daris Jose)
-
Tolentino kumpiyansa sa tsansa ng mga Pinoy athletes sa Olympic gold
Naniniwala ang Philippine Olympic Committee (POC) na ito na ang pagkakataon para makamit ng bansa ang inaasam na kauna-unahang gold medal sa Olympic Games. Ito ay sa kabila ng ilang panawagan na ipagpaliban muli ang Olympics na idaraos sa Hulyo 23 hanggang Agosto 8 sa Tokyo, Japan dahil sa paglobo ng kaso ng […]
-
Ebon binuyangyang ang alindog
PINANGALANDAKAN ni University Athletic Association of the Philippines (UAAP) women’s indoor volleyball star Lycha Ebon ang alindog nang ipasilip ang kanyang katawan sa social media kamakalawa. Nakabihis ng orange one-piece swimwear, binalandra ng kaliweteng opposite spiker ang hanep na kurba habang nakaupo sa tabing dagat na pinaskil sa kanyang Instagram account. Hindi naman […]
-
Mga private school teachers kailangan din ng salary increase tulad ng public school teachers
TINULIGSA ni Deputy Minority Leader at ACT Teachers Rep. France Castro ang Department of Education sa pagtanggi nito sa hinihinging salary increase ng mga guro mula sa public at private sectors. Ayon sa mambabatas, dismayado at nababahala siya sa pahayag ng DepEd na hindi prayoridad ang upgrading o dagdag sahod ng mga guro […]