Bong Go, puwedeng tumakbo sa pagka-Pangulo sa 2022 national election- Panelo
- Published on June 1, 2021
- by @peoplesbalita
KUMBINSIDO si Chief Presidential Legal Counsel Salvador Panelo na puwedeng tumakbo sa pagka-pangulo sa 2022 national elections si Sen. Christopher “Bong” Go.
Sa isang virtual conference ng Anvil Business Group ay sinabi ni Panelo bukod kay Go ay maaari ring tumakbo bilang pangulo si Davao City Mayor Sara Duterte-Carpio.
Ito naman ay depende sa sigaw at panawagan ng publiko.
Para sa kanyang personal na opinyon, si Sara ang tamang kandidato kasunod ng kanyang ama na si Pangulong Rodrigo Duterte.
Ani Panelo, welcome naman sa gobyerno ang mga lumalabas naman na mga pangalan na tatakbo sa 2022 elections dahil kahit sino ay maaaring tumakbo sa kahit anong pwesto.
Samantala, matatandaang makailang ulit namang sinabi ni Go na wala siyang planong tumakbo sa pagka-pangulo sa 2022. Kahit kailan ay hindi niya inaambisyon ang nasabing posisyon.
Masaya na siya na nabigyan siya ng pagkakataon na magserbisyo sa kapwa niya Pilipino.
Binigay na rin sa kanya ng Panginoon ang maging senador kaya ibabalik aniya nya sa tao ang serbisyong para sa mga ito.
“Pangako ko sa mga tao na kahit saang sulok ng Pilipinas, basta kaya lang ng oras at katawan ko, pupuntahan ko kayo para mapakinggan ang inyong hinaing at mabigyan ng pansin ang inyong mga pangangailangan,” ayon kay Go.
Sinabi pa niya na ayaw na niyang pag-usapan ang politika dahil mas gusto niyang unahin ang pagseserbisyo.
Mas gusto pa niya na maging campaign manager sa kung sinuman ang makakapagpatuloy ng pagbabago na inumpisahan ni Pangulong Duterte.
“Pero kung tatanungin ninyo ako tungkol sa 2022 elections, I am willing to volunteer as campaign manager,” ani Go. (Daris Jose)
-
Pinoy sugatan, 7 pa nawawala sa Hamas attack sa Israel
ISANG Pinoy ang kumpirmadong sugatan habang pito pa ang nawawala, kasunod nang naganap na pag-atake ng Palestinian terrorist group na Hamas sa Israel nitong Sabado. Sa Bagong Pilipinas Ngayon public briefing, kinilala ni Overseas Workers Welfare Administration (OWWA) Deputy Administrator Arnell Ignacio ang nasugatan na si Joey Pasulingan na tinamaan ng bala. […]
-
LAHAT NG REKOMENDASYON, IKOKONSIDERA NG DOH
IKOKONSIDERA lahat ng Department of Health (DOH) ang mga rekomendasyon ng dating mga health secretaries, medical experts at nang Philippine Medical Association hinggil sa panawagan na ibaba na ng restriction sa Metro Manila. Pero sinabi ni Health Usec Maria Rosario Vergeire, na kailangan ding maintindihan din ng ating mga kababayan at nang […]
-
Iba ang satisfaction niya sa ginagawang action scenes… RURU, wala pa ring balak na mag-stunt double kahit naaksidente na
WALA pa rin daw balak si Ruru Madrid na gumamit ng stunt double para sa mga action scene niya sa Lolong. Kahit na naaksidente siya kamakailan, game pa rin ang aktor na sumabak sa mga stunts na ‘di gagamit ng dobol. “Sa totoo lang parang hindi pa rin eh. Aksidente ‘yung nangyari eh. But […]