CARLO, tahimik lang at wala pang reaction sa hiwalayan issue

PALAGING nahihigitan ng Asia’s Multimedia Star ang expectation sa kanya.

Nagawa na naman ito ni Alden dahil sa kanyang Alden ForwARd online documentary concert noong January 30.

Halos karamihan ng mababasang comment ay sinasabing, “It is your best concert to date, ginalingan masyado.”

True to his words, ‘yung Richard Faulkerson Jr. nga ang mas na-highlight, mas ipinakilala niya sa kanyang concert at hindi si Alden Richards. Binalikan din niya ang dati niyang alma mater, ang memories niya sa kanyang minamahal na namayapang ina at ang mga ginagawa niya bilang si RJ, not Alden.

Part of the concert, hiningan si Richard ng message niya kay Alden. Kaya sabi nito, “Si Alden, wow, ngayon lang yata kita kakausapin.  Gusto ko sanang magpasalamat sa ‘yo for not giving-up. Although there are a lot of times that you wanted to and I am eternally grateful or the hard work and unconditional love that you’ve given me. 

“Kasi, ginawa mo lahat, alam mo ‘yan. Dinaanan mo lahat ng pinakamahirap na pwedeng daanan just to support me. So thank you sa ‘yo and I will never leave your side as much as you did to me. And I love you.”

Ang Alden ForwARd’s proceeds ay para sa mga beneficiary/scholars ng AR Foundation. At sa success nga na ito at mga positive reviews ng concert, ‘di-malayong dalhin din ito ni Alden bilang producer ng concert sa iba’t-ibang bansa.

***

“HELL hath no fury like a woman scorned,” ang naiisip naming linya sa nangyayari ngayon sa bagong mag-asawa pa rin na maituturing na sina Carlo Aquino at Trina Candaza.

Kung gaano katahimik lang noon ni Trina na mag-jowa pa lang sila ni Carlo hanggang sa maikasal sila, ngayon e, sa pamamagitan ng kanyang social media, parang ang ingay nito.

Wala naman siyang direktang sinasabi tungkol sa isyung diumano’y hiwalay na sila ni Carlo. Pero naikokonek talaga ng mga netizens na si Carlo at tungkol sa nangyayari sa kanila ang mga status niya.

Sey nga sa isang comment, parang wala raw yatang makapipigil kay Trina na magsalita o mag-post.

Yung Facebook post lang niya na, “You will really know your worth to your partner if ano magiging actions niya pag wala ka na sa kanya. Kung may pinupuntahan na agad na babae…

Wag na kayo umasang mag babago pa yung jowa niyo na sakit sa ulo, hindi na yan mag babago.”  

      So siyempre, madaling i-assume na babae raw siguro ang dahilan ng balitang paghihiwalay na nila. Nag-upload pa si Trina sa kanyang YouTube account ng video ng new home raw niya, pero kapansin-pansin na sila lang dalawa ng anak nila na si Enola Mithi.

At pati ang pagpu-post niya ng naka-red outfit na may caption na, “Looking forward with hope,” binibigyan din ito ng kahulugan ng mga netizens na diumano’y palaban talaga.

So far, aside sa mga naunang tila cryptic posts ni Carlo, tahimik lang ito at wala pang reaction sa hiwalayan issue.

Base nga lang sa ilang comments na nababasa namin, mukhang nahusgahan na ang actor gaya nang, “Kahit anong ganda ng babae, may lalake talagang ‘di kuntento.”

      Pero kung bakit dawit na naman ang pangalan ni Angelica Panganiban na diumano’y binabalikan, sey naman ng ilang netizens, karma raw kay Trina kasi inagaw raw nito si Carlo kay Angelica.

Na sinagot ni Trina at sinabing never naging sina Carlo at Angelica.

(ROSE GARCIA)