Casimero kakasahan si Inoue kahit saan

ATAT pang makipagsuntukan si World Boxing Organization (WBO) bantamweight champion John Riel Casimero, lalong sa madaling panahon laban kay Japanese Monster Naoya Inoue.

Ayon kamakalawa sa 30-year- old Ormoc City boxer, kahit siya pa mismo ang mag-adjust at pumunta sa bahay ng Hapones gagawin niya makaumbagan lang niya ito at magkalaaman kung sino ang tunay na astig.

“Puwede kahit pa sa bahay nila sa Japan. Sabi ko nga kahit sa bahay mo, lalabanan kita,” pahayag ni Casimero sa naudlot na laban sa Nipponpug noong Abril dahil sa lockdown na dulot ng Covid-19.

Maski nakahanda sa reschedule fight ang Pinoy dedma lang ang Hapones.

Kakademolis lang ni Casimero kay Duke Micah ng Ghana sa Estadaos Unidos bago pinatutsadahan agad si Inoue na ituloy ang nakansela nilang banatan. (REC)