- May 16, 2024
-
Search in People's Balita
Ang Diyaryong Pinagkakatiwalaan
Archive for October 10th, 2020
Pagdanganan papalo sa Women’s PGA
NAKATAKDANG buksan nina rookie Bianca Pagdanganan at veteran Dottie Ardina ang kampanya sa 58th KPMG Women’s Professional Golf Association Championship 2020 sa Aronimink Golf Club sa Newtown Square, Pennsylvania kahapon (ngayon sa Pilipinas).
Buwena-manong pagtatangka ito sa majors golfng bagitong 22-anyos na taga- Quezon City na si Pagdanganan samantalang ikalawa sa taong ito at pang-apat sa pangkalahatan para kay Ardina, 26 at buhat sa Canlubang, Laguna.
Nasisiyahansi Pagdanganan na mapalaban sa mga tigasing golfer sa mundo sa mura pa lang niyang karera. Pero ipinunto niyang mapa- major event o hindi parehas ang mithiin niya – gawing lahat ang makakaya upang mabigyang karangalan ang Pilipinas. (REC)
2021 budget, pinakamahalagang budget proposal ni Pangulong Duterte sa Kongreso-Malakanyang
PARA sa Malakanyang, ang panukalang 2021 national budget ang pinaka- importanteng proposed national budget ni Pangulong Rodrigo Roa Duterte.
Ito ang binigyang-diin ni Presidential spokesperson Harry Roque sa gitna na rin ng paninindigan ng Malakanyang na hindi uubrang gumamit ang gobyerno ng re-enacted budget sa susunod na taon.
Ang punto ni Sec. Roque, mahalaga ang mungkahing pondo sa 2021 dahil nakapaloob dito ang magiging gastos ng gobyerno para tugunan ang nananatili pa ring problema sa Covid- 19.
Hindi aniya kakayanin kung re- enacted ang gagamiting pondo gayong walang nakapaloob sa budget ng pamahalaan ngayong taon ang tungkol sa pagtugon sa corona virus.
Sinabi pa ni Sec. Roque na 2021 proposed national budget pa lamang naglagay ng allotment ang gobyerno para Covid-19 at itinuturing ito ng Pangulong Duterte bilang pinakamahalagang budget proposal sa kapwa Mababa at Mataas na Kapulungan.
“Because last year, when we had the re-enacted budget, we did not have Covid, this is the first budget that has built in measures intended to respond to Covid-19 and that’s why this is probably the most important budget that the President has proposed to both Houses of Congress,” ayon kay Sec. Roque.
Bulacan airport magiging airport gateway sa Luzon
ANG bagong itatayong Bulacan airport ay isang proyektong makapagbibigay ng tulong sa programa ng pamahalaan upang lumuwag sa Metro Manila at mapalago ang regional development sa buong Luzon.
Si Senator Go ang isa sa nag nag co-sponsored ng House Bill No. 7507 ang isa sa magbibigay sa San Miguel Aerocity Inc. ng franchise upang magtayo, pagpalago, gumawa, mangasiwa, at mamahala sa domestic at international airport at sa adjacent airport sa Bulacan, Bulacan.
Sinabi Go na binibigyan niya ng suporta ang plano na magbukas ng bagong airport sa Bulacan at siya ay nagpapasalamat sa tulong ng San Miguel Corp.
“The new airport would complement the government’s Balik Probinsiya, Bagong Pag-asa Programwhich encourages Metro Manila residents to explore better economic opportunities at start anew in their home provinces. This project is a prime example of how the public and private sectors can work hand-in-hand in building a better future for our people,” sabi ni Go.
Ayon kay Go, ang proyekto ay makapagbibigay ng solusyon sa madaming problema sa capital, lalo na nagyon nasa gitna tayo ng paghina ng economy dahil sa coronavirus disease pandemic.
Makakatulong ang pagtatayo ng Bulacan airport ng matagal sa pagbibigay ng trabaho at iba pang economic opportunities sa labas ng Metro Manila na siyang makapagbibigay ng solusyon upang maging maluwag ang mga urban areas.
Ang bagong itatayong Bulacan airport ay magiging kaagapay ng mga proyektong tulad ng Balik Probinsiya, Bagong Pag-asa Program na naglalayon na mapaganda ang infrastructure, magbigay ng trabaho, itaas ang pamumuhay ng mga tao sa mga magkakalapit na lugar, at mabawasan ang pagsisikip sa Metropolis.
Samantala, sinabi naman ni SMC president at COO Ramon Ang na magsisimula na ang construction ng P734 billion na airport ngayon buwan. Ayon kay Ang, ang unang phase ng proyekto ay ang pagtatayo ng dalawang (2) runways na inaasahang matatapos sa loob ng lima (5) hanggang anim (6) na taon.
Ang House Committee on Ways and Means naman ay binigyan ng tax provisions ang proposed na legislative franchise na siyang magiging daan sa SMC sa pagtatayo at pangangasiwa ng 2,500-hectare na “Airport City sa Bulacan.
Ang pagtatayo ng airport ay makapagbibigay ng approved na tax exemptions sa SMC sa loob ng sampung (10) taon.
“These include exemptions from the payment of all direct and indirect taxes, as well as fees which emanate exclusively from the con- struction, development, establishment and operation of New Manila International Airport and its commercial complex,” dagdag ng SMC.
Pinay tennis player Eala, pasok na sa quarterfinals ng 2020 Junior French Open
PASOK na sa quarterfinals ng 2020 Junior French Open si Filipina tennis player Alex Eala.
Ito ay matapos talunin si Leyre Romero Gormaz ng Spain sa score na 6-1, 4-6 at 6-1.
Tinapos ng 15-anyos na si Eala ang laro sa loob ng isang oras at 48 na minuto. Susunod na makakaharap naman nito si Linda Noskova ng Czech Republic.
Malakanyang, bukas na magpatawag ng special session kung kinakailangan
BUKAS ang Malakanyang na magpatawag ng special session ang dalawang Kapulungan ng Kongreso para masiguro na maipapasa ang 2021 national budget sa tamang oras.
Sinabi ni Presidential spokesperson Harry Roque na maaaring hilingin ni Pangulong Rodrigo Roa Duterte sa Senado at Mababang Kapulungan ng Kongreso na mag- convene sa isang special session matapos ang susunod na adjournment sa Disyembre, kung kinakailangan.
Sinabi kasi ni Senate President Vicente Sotto III na maaaring magpatawag ng special session ang Malakanyang upang maipasa sa tamang oras ang 2021 national budget.
Ito’y matapos suspendihin ni House Speaker at Taguig-Pateros Rep. Alan Peter Cayetano ang sesyon ng hanggang Nobyembre 16.
“Kung kinakailangang magpatawag ng special session pagdating ng December [19], Malacañang will do it,” ayon kay Sec. Roque. Sa kabilang dako, kumbinsido naman si Sec. Roque na may sapat pa ring panahon ang Senado para gawin ang deliberasyon nito sa 2021 proposed budget.
Ito’y kahit nagsalita na si Senador Sotto na hindi na nila kakayanin pang busisiin hanggang sa maaprubahan ang budget ngayong taon kung hindi maisusumite ng Kamara ang kanilang bersiyon bago o sa mismong Oktubre 14.
“The Senate can continue its own deliberations on the budget kasi hindi naman ‘yan nakadepende sa pagtatapos ng budget sa House,” ayon kay Sec. Roque.
Tikom naman ang bibig ni Sec. Roque para magkomento sa alegasyon na hinohostage ni Cayetano ang 2021 budget hostage sa gitna ng iringan sa liderato sa Kongreso.
Samantala, ang 2021 national budget ay naglalayon na maipagpatuloy ng gobyerno ang kanilang effort para epektibong makatugon sa COVID-19 pandemic kung saan nakatutok sila sa paggastos sa pagpapabuti ng healthcare systems sa bansa, food security, pagpapataas ng investments sa public at digital infra- structure at pagtulong sa mga komunidad sa gitna ng pandemic. (Bishop Jesus “Jemba” M. Basco)
Dating Commissioner ng NYC, itinalaga bilang Ass. Secretary ng DOLE
ITINATALAGA bilang bagong Assistant Secretary ng Department of Labor and Employment (DOLE) ang dating Commissioner ng National Youth Commission Victor Del Rosario.
Si del Rosario ay nanumpa kay DOLE Secreatary Silvestre Bello III bilang bagong assistant secretary ng labor department.
Pinasalamatan naman ni del Rosario sa pagtitiwala sa kanya nina Pangulong Duterte at Sen. Christopher Go.
Sa kanyang panunumpa, sinabi ng bagong opisyal na kanyang bibitbitin ang malasakit sa mga kabataan pati na rin ang mga sektor na nawalan ng kabuhayan dahil sa pandemya.
Bukod dito, isusulong din aniya ang interes at kapakana ng mga manggagawang Filipino sa gitna ng pandemya.
Una nang itinalaga ng Pangulo bilang miyembro ng Appeals Committee ng MTRCB si del Rosario. (Gene Adsuara)
VICE, ipinasilip na ang sobrang bongga na bagong bahay
ANG bongga ng bagong bahay ni Vice Ganda!
Ipinakita niya ito sa kanyang You Tube account. Hindi pa nakalagay ang lahat ng gamit pero base pa lang sa ilang naipasilip niya, sobrang bongga talaga.
Lilipat pa lang si Vice sa bagong bahay dahil suppos- edly, noong March ay tapos na raw sana ito, pero dahil nagkaroon ng pandemic, naantala at yung mga supplies ay hindi rin nai-ship.
Industrial ang peg ng bagong bahay o mansion ni Vice kaya more on metal ang gamit. Wala masyadong wood ang 1,800 sq.meters na bahay.
Ang walk-in-closet ang pinakamalaking bahagi ng bahay, next to the master’s bedroom. Pero parang lahat naman ng areas, malalaki. Meron din itong sauna & spa na ayon kay Vice, favorite spot na ng kaibigang si Ryan Bang. Pagkalaki-laki at ang bongga rin ng dirty kitchen. May pagtutol ito sa bonggang kitchen dahil sey niya, hindi naman daw sila nagluluto.
Puro lang naman daw sila pa-deliver at ang inuulam nila ay mga simpleng pagkain lang, kabilang na ang galunggong.
Ang bongga rin ng swimming pool na elevated at glass pool talaga with jacuzzi. May elevator ang bahay na ayon kay Vice, para sa nanay niya bilang mahihirapan na itong umakyat- baba kapag nasa bahay niya.
Obviously, kasama ni Vice ang boyfriend na si Ion Perez sa kanyang bahay dahil nabanggit nito sa kanyang vlog na yung isang area na wala pang plano kung ano ang ilalagay, baka raw gawin na lang niyang gym ng boyfriend.
Matagal na raw niyang nabili ang property, may pitong taon na ang nakararaan. Para raw ito sa lolo niya na nang mamatay, nawalan na siyang gana na ipagawa.
Marami lang daw ang nagsabi na maganda ang lugar na nakuha niya kaya it took years bago siya nagdesisyon na ituloy na ang pagpapagawa nito at three years in in the making ang bagong mansion na ito ni Vice. (ROSE GARCIA)
May 1 pang dapat gawin para makalaro si Abueva
KINUMPLETO na lahat ni Calvin Abueva ang requirements sa kanya ng Philippine Basketball Association o PBA upang maalis ang indefinite suspension na nagsimula noon pang Hunyo 2019.
Pero may isang kailangan pang tuparin o isagawa ang PBA star, na pinagkakatanggi-tanggi lang kamakalawa ni professional league Commissioner Wilfrido (Willie) Marcial kung ano pa ang bagay na iyon.
Pero sa kabila noon, may pag-asa nang makalaro ang The Beast sa 45 th PBA Philippine Cup 2020 elimina- tions restart sa Clark Freeport Economic Zone bubble sa Angeles City, Pampanga sa Linggo, Oktubre 11.
Nasa bubble na rin si Abueva, kabilang official lineup ng Phoenix Super LPG Fuel Masters. Dapat niyang gawin o sundin ang requirement para maalis ang asterisk sa pangalan niya sa listahan.
Sapagkat kung hindi, malamang na sa kuwarto lang ng delegasyon ng liga sa Quest Hotel niya panonoorin ang mga laro ng kakampi niya sa liquified petroleum gas.
Sumailalim na rin ang 32-taong-gulang, may taas na 6-2 at tubong Angeles, Pampanga sa online seminar sa Code of Conduct of a Professional Player and Gender Sensitivity Issues ng Games and Amusements Board o GAB para maibalik ang kanyang profes- sional playing license.
Kabit-kabit ang ang mga kasalanan ni Phoenix forward da unang Asia’s play-for-pay hoop bago hinambalos ni Marcial indefinite suspension sa nakaraang taon.
Pinakitaan niya nang kabastusan at pinagsalitaan ng hindi maganda ang dyowa ni Bobby Ray Parks. Jr. sa laro ng Phoenix at Blackwater. Sa next game ng team niya, binigyan ni Abueva ng matinding clothesline si TNT import Terrence Jones.
Pagkapataw nang walang katiyakang ban sa kanya ng PBA, inakusahan naman siya ng asawang si Salome Alejandra (Sam) Abueva ng physical at sexual harassment. Nagkaayos naman pagkaraan ang mag-asawa at nagbalikan na.
Dapat ding magpa-mandatory drug test na na parte ng medical requirements ang basketbolistang standout ng National Collegiate Athletic Association (NCAA) mula sa San Sebastian Golden Stags kung gusto pa niyang makabalik-liga. (REC)
Drilon, Pia Cayetano nagsabong sa CREATE bill
IMINUNGKAHI ni Senate Minority Leader Franklin Drilon na hatiin sa dalawa ang Corporate Recovery and Tax Incentives for Enterprises (CREATE) bill upang maiwasan ang paghina ng Kongreso.
“When you classify this measure as a revenue measure, then the President would have the power to exercise the line item veto over a matter, which is not strictly a revenue measure—and that is the other provisions in the rationalization of fiscal incentives which involves policies,” ani Drilon.
“I think it can be forcefully argued that the rationalization of the fiscal incentive should not be a revenue measure and therefore the authority of the President on the line-item veto should not be existing,” dagdag nito.
Lahad pa ni Drilon na pahihinain nito ang kapangyarihan ng Kongreso.
Ang CREATE bill ay naglalayong bawasan ang income tax rate na 25 porsyento mula sa 30 porsyento at upang hatiin ang mga incentive na nakukuha ng isang kompanya.
Tinutulan naman ito ni Interpellating Senate Ways and Means Committee Chairperson Pia Cayetano na siyang sponsor ng naturang panukala.
“The rationalization of incentives is actually not alien to the subject matter of the corporate income tax. Because this addresses tax leakages and it is the reverse of increasing the tax, decreasing the tax,” saad ni Cayetano.
“In the early part of our interpellation, we emphasized the fact that this is foregone revenues. Thus, we need to rationalize because otherwise, these are tax revenues that are being exempted, not being collected, being given on a silver platter,” aniya.
Ngunit aniya bukas pa rin naman ito sa posibleng diskusyon patungkol dito.
Nakatakdang magsagawa muli ng debate sa Senado patungkol sa CREATE bill ngayong araw. (Ara Romero)