‘Censorship ito’: Facebook sinuspinde raw tagapagsalita ni Bongbong Marcos
- Published on April 27, 2022
- by @peoplesbalita
SUSPENDIDO raw mula sa Facebook ang account ng tagapagsalita ni presidential candidate Ferdinand “Bongbong” Marcos Jr. na si Vic Rodriguez, ayon sa kanya.
Ang sinasabing pagka-suspinde ay nangyayari ngayong fina-flag ang maraming accounts sa paglabag ng community standards ng social media platform bago halalan.
Ito ang ibinalita ni Rodriguez, Martes, na siya ring chief of staff ni Bongbong. Sinabi niya ito kahit Enero 2022 nang banggitin niya sa Rappler na “wala siyang kahit anong social media account.”
“FB/Meta suspended my account because I am for Bongbong Marcos. This action is censorship of the highest degree on a sovereign act, digital terrorism no less,” wika niya sa isang pahayag na inilabas ng Partido Federal ng Pilipinas.
“I will not appeal for I have not violated anything. My duty is to the Filipino people and not to FB/Meta.”
Ang Facebook ay pribadong kumpanya at si Rodriguez naman ay pribadong indibidwal
Inirereklamo ni Rodriguez ang diumano’y censorship sa kanya sa social media. Matatandaan na talamak noong Martial Law ng diktador at dating Pangulong Ferdinand Marcos na ama ni Bongbong ang censorship sa mga pahayagan.
Iginigiit ni Rodriguez na hindi rin daw siya nagpapaskil ng kahit na ano tungkol sa National Task Force to End Local Communist Armed Conflict — na kilalang madalas magpakalat ng disinformation online.
Una nang sinabi ng ruling party na PDP-Laban, na nag-endorso kay Bongbong, na sunud-sunod na nafa-flag o “takedown” mula sa Facebook ang mga posts ng kanilang mga kandidato dahil sa paglabag sa community standards.
Ngayong Abril lang nang ianunsyo ng Meta, parent company ng FB, na tinake-down nito ang daan-daang accounts at pages sa Pilipinas na nagsasagawa ng “malicious activities” sa social media bago ang May elections.
“I will continue communicating with the many other forms of media available that are free from any filter, censorship or manipulation from foreign platform providers,” dagdag pa niya.
Hindi dapat visible sa ibang tao sa Facebook ang account ng mga suspendido sa platform, pero searchable ang isang Vic Rodriguez na nagpapakilalang tagapagsalita at chief of staff ni Bongbong .
“Up and running” naman ang opisyal na FB page niya na “Atty. Vic Rodriguez” at hindi naman nawawala sa Facebook.
Taong 2019 lang nang sabihin ng Facebook na lalabanan nila ang pagkalat ng fake news kasabay ng mid-term elections noon. Kaugnay noon, natanggal ang pagkarami-raming pages at accounts na nagpapakalat ng misleading at hindi accurate na impormasyon.
-
2 WANTED SA MURDER, TIMBOG NG MARITIME POLICE
NAGWAKAS na ang pagtatago sa batas ng dalawang lalaking wanted sa kasong murder matapos masakote ng mga tauhan ng Maritime police sa magkahiwalay na operation kontra wanted person sa Navotas at Quezon cities. Kinilala ni Northern NCR Maritime Police (MARPSTA) head P/Major Randy Ludovice ang naarestong suspek na si Noe Alaquiao alyas “Utoy”, […]
-
SBP doble kayod sa paghikayat sa FIBA para maglaro sa Gilas si Clarkson
Patuloy ang ginagawang pakikipag-usap ng Samahang Basketball ng Pilipinas (SBP) sa mga opisyal ng FIBA para makuhang makapaglaro sa Gilas Pilipinas si NBA Filipino-American player Jordan Clarkson. Sinabi ni SBP President Al Panlilo, nais nilang ipabasura sa FIBA ang pag-require sa mga atleta na dapat mag-secure sila ng passport sa edad 16 bago maging […]
-
Sagip Pelikula Brings the Restored Version of “Inagaw Mo Ang Lahat Sa Akin” at the MET
IN celebration of National Women’s Month, ‘Sagip Pelikula’ brought one of its restored titles featuring two of the premier actresses today, Maricel Soriano and Snooky Serna, with their 1995 family-drama classic “Inagaw Mo ang Lahat sa Akin” in the latest installment of Mga Hiyas ng Sineng Filipino, co-organized by the Film Development Council of the […]