Certified hot momma talaga sa silver bikini: MAX, walang balak na tumigil sa paglantad sa kanyang alindog

NGAYONG Summer na, walang balak na tumigil si Max Collins sa paglantad ng kanyang alindog.

Certified Hot Momma si Max sa suot silver bikini habang dinadama ang init ng araw sa Boracay.

Nag-post si Max ng mga sizzling photo sa kanyang Instagram account at nilagyan niya ng caption na “island girl.”

Habang sa isa pang larawan, white bikini na may white fishnet tight naman ang suot niya.

Umani ng libo-libong likes at mga positibong komento naman ang ibinigay ng followers ni Max sa kaniyang posts.

Hanggang ngayon ay tahimik pa rin si Max sa real status ng pagsasama nila ng mister na si Pancho Magno kung kanino may 2-year old son siya na si Skye Anakin.

Napapanood si Pancho sa GMA mega serye na ‘Mga Lihim Ni Urduja’.

***

UNTI-UNTI nang natatapos ang matagal nang pinapangarap na bahay ni Kapuso Drama Princess Barbie Forteza.

Tapos na raw ang panahon na nangungupahan sila ng bahay at sinigurado ni Barbie na magiging kumportable silang lahat sa pinapagawa niyang bahay.

Kasalukuyang nasa Chicago si Barbie para sa kanyang long-deserve vacation, pero pinost niya kanyang YouTube channel ang site visit niya na ikinatuwa ng kanyang 1.3 million subscribers.

Nagawa ngang i-share ni Barbie na may special room siyang pinagawa sa naturang bahay. Ito ay ang sarili niyang studio kunsaan puwede siyang magbabad para gawin niya ang lahat ng may kinalaman sa mga social media platforms niya.

Gagawin ngang maganda ni Barbie ang kanyang studio para doon siya mag-shoot ng kanyang mga online content at magiging exclusive ang lahat ng mga uploaded na photos at videos niya.

Bukod sa bagong teleserye na gagawin ni Barbie kasama si David Licauco sa June, may gagawin muna silang pelikula na isu-shoot sa Vienna, Austria. Lilipad daw sila for Europe kasama ang film crew on April 20.

***

SA tangkad ng baguhang Sparkle artist na si Skye Chua, puwedeng-puwede itong maging isang runway model.

May taas na 5′ 9″ si Skye at mukhang tumatangkad pa siya sa edad na 19.

Pero ang passion daw talaga ni Skye ay ang kanyang pagiging isang figure skater at bet niya talaga ang mag-compete dahil kabilang siya sa Philippine figure skating team.

Sa teleserye na ‘Hearts On Ice’, ginagampanan ni Skye ang papel na Sonja at siya ang kontrabida at mean girl sa bida na si Ashley Ortega.

Natatawa nga raw si Skye sa binigay na kontrabida role sa kanya dahil kailangan pa niyang alamin kung paano magtaray dahil tahimik at masayahin siya sa totoong buhay.

“I like to thank Ashley and our director, Dominic Zapata kasi sila ang tumutulong sa akin to bring life sa character ni Sonja. Hindi ako mataray in real life and I know na it’s all acting.

“This is my first time to really act and I am very nervous about it,” sey ni Skye na nagsabing abangan na lang ang mga eksenang tinatarayan niya si Ashley.

(RUEL J. MENDOZA)