CHINESE NATIONAL NA WANTED SA PYRAMID SCAM, DINAMPOT SA LAGUNA
- Published on May 25, 2023
- by @peoplesbalita
NAARESTO ng mga operatiba ng Bureau of Immigration (BI) ang isang babaeng Chinese na wanted ng awtoridad sa kanilang bansa dahil sa pagkakasangkot ng large-scale pyramid investment scam.
Kinilala ni Immigration Commissioner Norman Tansingco ang wanted na si Liu Jing, 44, na inaresto sa loob ng kanyang bahay sa isang subdivision sa Biñan, Laguna ng mga operatiba ng BI’s fugitive search unit (FSU).
Si Liu ay inaresto ng operatiba ng BI-FSU sab isa ng mission order mula kay Tansingco sa kahilingan ng Chinese authorities.
Ayon kay Tansingco, kinansela ng gobyerno ng Chinese ang pasaporte ni Liu na maituturing nang isang undocumented alien at maaari na itong ipa-deport.
Over-staying na rin si Liu kung saan dumating sa bansa noong Dec. 31, 2019 bilang turista at hindi na umalis pa simula noon.
“She will thus be deported for being an undesirable, overstaying and undocumented alien,” ayon kay Tansingco.
Ayon kay BI-FSU acting chief Rendel Ryan Sy, si Liu ay may nakabinbin na arrest warrant ng public security bureau sa Yongjian district ng Handan City sa Hubei province, China noong May 12, 2021.
Siya ay inakusahan na bumuo at nag-operate ng pyramid investment schemes sa pamamagitan ng foreign currency exchange platform na nakapanloko ng mahigit 300,000 na mga Chinese na umabot sa mahigit US$2.5 million.
Si Liu ay kasalukuyang nakadetine sa BI warden facility sa Camp Bagong Diwa, Taguig City habang hinihintay ang kanyang deportation proceedings. GENE ADSUARA
-
Alegasyon ng transport group, Land Bank ayaw mag release ng fuel subsidy
BINATIKOS ng ilang grupo ng transportasyon ang pahirapang pagkuha ng kanilang fuel subsidy mula sa Land Bank of the Philippines (LBP). Ayon sa grupo na ayaw magbigay ng fuel subsidy ang LBP dahil sa election spending ban. Sinabi ni Alliance of Transport Operators and Drivers Association of the Philippines […]
-
Mapapanood na rin sa YouTube ang ‘My Plantito’: TikTok series nina KYCH at MICHAEL, mahigit 29.5 million views na
HABANG lalong nakakamit ng My Plantito ng Puregold Channel ang pagkilala dahil sa mahusay na pagpapakita nito ng kuwentong boy-love, pamilyang Pilipino, at pakikipagkaibigan, mapapanood na ang serye ng retailtainment pioneer sa YouTube ngayon na may English subtitles. Tampok si Kych Minemoto bilang nangangarap na vlogger na si Charlie, at si Michael Ver bilang gwapong kapitbahay at plantito […]
-
Panukalang suspensyon ng TRAIN Law excise tax sa langis pinamamadali sa Kamara
Nanawagan ang Gabriela Party-list sa Kamara na madaliin ang panukalang suspensyon ng TRAIN Law excise tax. Ayon kay Rep. Arlene Brosas, hindi naman kasi sapat ang mga rollbacks sa produktong petrolyo at nagbabadya pa ang panibagong sirit sa presyo ng langis. Nakikita niyang magiging malaking alwan sa mga motorisata at consumers […]