Chua matigas kay Slaughter
- Published on February 28, 2020
- by @peoplesbalita
BINUNYAG ni San Miguel Corporation sports director Alfrancis Chua na si Gregory William Slaughter ang hindi kumausap sa kanila para sa contract extension sa Barangay Ginebra San Miguel.
Ayon sa BGSM governor at team manager din, hindi nagpakita si ‘Gregzilla’ sa kanilang opisina sa Manfaluyong isang linggo matapos magkampeon ang Gin Kings sa 44th Philippine Basketball Association (PBA) Governors Cup 2019-2020 nitong Enero para mapag-usapan ang napaso niyang kontrata.
“Alam ninyo, sa basketball, PBA or sa corporate, kapag expired ang contract mo, ikaw ang lalapit sa team. You are going to ask, expired na ako, baka puwede akong mag-renew. Hindi kami ang lalapit para tanungin kung ire-renew ka namin. Sa dami ng players, hindi namin malalaman,” pagtatanggol nito sa sarili.
Dagdag pa ni Chua, “so I guess, si (Coach Earl Timothy) Tim (Cone) ang nakipag-usap. Nagsabi si Tim na gusto raw magpahinga so nasa sa kanya ‘yun. Gusto niya magpahinga.”
Pinasinungalingan din ng opisyal ang mga ulat na ipagpapalit si Slaughter para kay Christian Standhardinger kay NorthPort banger Christian Standhardinger para sa 45th PBA Philippine Cup 2020 na magbubukas sa darating na Marso 8.
“Kung may trade rumor, punta kayo ng PBA kung may sinubmit kami na trade form doon,” giit ni Chua
At hinirit niyang wala siyang planong si Chua aluin ang seven-foot slotman para irekonsidera nito ang desisyon magpahinga muna sa paglalaro.
“Hindi naman siguro kailangan kasi wala naman siyang ni-reach out kahit sino. Again, that’s his decision. He is old enough. No one or me to question him bakit niya ginawa, bakit ganito, kasi nasa hustong gulang na. Nasa tamang edad na siya para makapag-desisyon kung ano talaga ‘yung pakay niya or what he wants. So respetuhin na lang natin,” wakas na litanya ni Chua.
-
SMB niresbakan ang Meralco
NAGPASABOG si import Shabazz Muhammad ng 57 points para ibangon ang San Miguel mula sa 26-point deficit at balikan ang Meralco, 115-110, sa PBA Governors’ Cup sa Smart Araneta Coliseum. Ang ikalawang sunod na panalo ng Beermen (7-4) ang naglapit sa kanila sa inaasam na ‘twice-to-beat’ incentive sa quarterfinals at inilatay sa Bolts […]
-
SC, tuluyan nang ibinasura ang Anti-Terror Act of 2020
TULUYAN nang ibinasura ng Korte Suprema ang mga petisyon na humihiling na ibasura ang Anti Terrorism Act of 2020. Sa En Banc deliberation dito sa Baguio City ng mga mahistrado ng SupremeCourt (SC), binasura ang mga inihaing motions for reconsideration ng mga petitioner. Ibinase ng SC En Banc ang desisyon sa […]
-
42 mambabatas, pinaiimbestigahan ang sunog sa MCPO
NAIS ng nasa 42 mambabatas na imbestigahan ng kamara ang naganap na sunog sa Manila Central Post Office building na nagdulot ng matinding pagkasira sa nasabing istraktura. Sa House Resolution 1019, sinabi ng mga mambabatas na miyembro ng Arts, Culture and Creative Industries Bloc (ACCIB) ng kamara, na kailangang ang pagsasagawa ng imbestigasyon […]