Closeness nila Kim, kapansin-pansin: PAULO, may tsikang nagkabalikan sila ni JANINE pero naghiwalay ulit
- Published on March 6, 2024
- by @peoplesbalita
SA kanyang “Showbiz Updates” nung Linggo ay binanggit ni Ogie Diaz ang dahilan kung bakit nagkahiwalay sina Paulo Avelino at Janine Gutierrez. Ayon pa sa sikat at kilalang showbiz insider ay parang walang nakikitang plano si Paulo para sa relasyon nila ni Janine, huh!
Ayon pa sa pasabog ng TV host at part time actor ay may napagtanungan daw siyang isang source kung ano talaga ang dahilan kung bakit tinuldukan nina Paulo at Janine ang kanilang relasyon.
At yun nga naghahanap si Janine kung ano ba talaga ang plano ni Paulo sa relasyon na hindi yata nasagot ng huli.
Pero sa totoo lang ayon pa rin kay Ogie ay may plano raw naman talaga ang Kapamilya aktor para sa kanila ni Janine.
Pero magkaroon lang daw ng katuparan yung plano nilang pagpapakasal at pagiging magkapamilya kapag nakapagtapos na anak sa kolehiyo na 14 years old pa lang ngayon.
Pero sa totoo lang, on and off pa rin naman ang relasyon nina Paolo at Janine. May tsikang nagkahiwalay ang dalawa at nagkabalikan at nagkahiwalay ulit.
Hindi kaya may kinalaman dito ang aktres na si Kim Chiu na kaparehas ni Paulo sa “Linlang” at sa upcoming series na “What’s Wrong with Secretary Kim?
Balitang very sweet ngayon sa isa’t-isa sina Paulo at Kim na marami ang nagsasabing bagay na bagay ang dalawa hindi lang bilang screen partners kundi higit pa roon, huh!
***
SI Jake Ejercito ang isa sa mga unang dumating sa burol ng multi-awarded actress na sivJaclyn Jose na pumanaw sa edad na 60 years old dahil sa heart attack.
Isa rin ang aktor sa mga unang nag-post sa kanyang social media accounts ng mga throwback pictures nila ni Jaclyn na kung saan kasama ang batam-bata pa noon na si Ellie na anak naman ng aktor kay Andi Eigenmann.
May mga pictures at iba’t-ibang videos ding ipinost si Ellie na kasama ang namayapang lola.
Twelve years old na ngayon ang anak ni Jake kay Andi na naka-base na sa Siargao kasama ang karelasyong si Philmar Alipayo.
Pero kahit magkahiwalay sina Jake at Andi ay patuloy pa rin naman niyang ginampanan ang pagiging ama kay Ellie.
Binanggit pa nga ni Jake sa isa mga interbyu sa kanya, na kahit hanggang ngayon ay hindi pa rin sila friends ni Andi.
Pero pagdating sa kapakanan ng anak ay madalas nilang pinag-uusapan ito. Dahil very open ang kumunikasyon sa puntong yun.
Samantala, si Jake ay apo ng dating presidente at mayor ng Maynila na si Joseph Estrada.
Maugong ang tsikang papasukin na rin ni Jake ang mundo ng pulitika sa darating na 2025 elections.
(JIMI C. ESCALA)
Other News
-
Ads May 16, 2023
-
THE BEST IN THE REGION
THE BEST IN THE REGION. Hawak ni Gobernador Daniel R. Fernando ang dalawang Plake ng Pagkilala ng Lalawigan ng Bulacan sa pagiging “Top 1 among all provinces in Central Luzon for obtaining the Highest Nominal Locally Sourced Revenue of 3,237,800,946.86” at “Top 3 for obtaining a 12% Year on Year Growth in Locally Sourced […]
-
Simula Oktubre 1: Lanao del Sur, isinailalim sa MECQ; Metro Manila, mananatili sa GCQ
INILAGAY ni Pangulong Rodrigo Roa Duterte ang Lanao del Sur kabilang na ang Marawi City sa ilalim ng Modified Enhanced Community Quarantine (MECQ) simula Oktubre 1 hanggang Oktubren 31, 2020. Habang ang Iloilo City ay inilagay naman sa ilalim ng General Community Quarantine (GCQ) simula rin sa Oktubre 1. Matatandaang, inilagay ng mga […]