COMELEC, MAGDARAOS NG SUMMIT

MAGDARAOS ng tatlong araw na  Election Summit ang Commission on Election (Comelec) at kanilang mga stakeholders sa Enero 2023.

Layon ng kauna-unahang summit na mapagbuti ang pagdaraos ng halalan sa bansa, ayon kay Comelec Chairman George Garcia.

Sinabi ni Garcia na nakipag kapit-bisig ang  Comelec sa lahat ng civil society organizations,  citizens group na gustong magkaroon ng isang malusog na demokrasya, maayos, malinis na halalan sa ating bansa na aniya ay isang importanteng pundasyon .

Kinikilala rin aniya  ng Comelec na ang pagkakaroon ng halalan sa bansa ay hindi lamang isang obligasyon ng Comelec kundi  dapat obligasyon din ng bawat isa sa atin.

Ayon pa kay Garcia ,  makasaysayang paglagda ng kasunduan na ginanap sa Pamantasan ng Lungsod ng Maynila o PLM sa Intramuros, Maynila kasama ang pinakamaraming mga organisasyon dahil kauna-unahang itong mangyayari sa bansa

Pamumunuan ang Election Summit 2023 ni Comelec commissioner Nelson Celis.

Magiging bukas din sa publiko ang Election Summit para maging  transparent ang kabuuang proseso nito para sa lahat.

Dagdag pa ng dalawang Comelec officials, magiging bukas din sa publiko ang Election Summit para maging mas transparent ang kabuuang proseso nito para sa lahat.

“Ito ay  tungkulin ng bawat isa sa atin. Ang  mga ganitong inisyatibo ng Comelec ay pamamaraan para kami ay makapakinig, at the same time kayo’y makapagbigay ng inyong mga adhikain at saloobin,” saad ni  Garcia.

Ayon pa kay Garcia, gagamiting absehan sa mga susunod na aksyon o hakbang ng Comelec ang anumang magiging rekomendasyon  na mabubuo sa Summit para sa pagdaraos ng halalan sa 2025, 2028 at sa mga susunod pang eleksyon.

Kasama sa mga lumagda ng MOA kahapon  ang National Movement for Free Elections o NAMFREL, Parish Pastoral Council for Responsible Voting o PPCRV, Legal Network for Truthful Elections o LENTE, at iba’t iba pang poll watchdogs at civil society organizations.

“The electoral process should not be limited to the voters coming to the polls. But more importantly, their participation should be engaged from the very beginning… from the formulation of platforms, selection of candidates to actual registration of the candidates, the campaign, the voting and finally the election and counting of votes. I believe that the biggest challenge of our democracy today is the meaningful participation of our people in every step of the electoral process and resist from the merely performing their role as spectators,” ayon naman  kay PLM President Prof. Emmanuel Leyco kasabay ng pahayag na magiging bukas ang PLM  sa mga susunod pang pagdaraos ng mga aktibidad ng Comelec kaugnay ng Election Summit 2023.

Planong ng Comelec na idaos ang summit sa huling linggo ng Enero sa susunod na taon. GENE ADSUARA