Concepcion, tinapik ang health, economic experts bilang advisory group na gabayan ang pribadong sektor
- Published on June 27, 2022
- by @peoplesbalita
TINAPIK ni Presidential Adviser for Entrepreneurship Joey Concepcion ang health at economic experts bilang mga advisory group na gabayan ang pribadong sektor habang ang bansa ay kumikilos tungo sa pagiging normal matapos ang pakikipaglaban sa COVID-19 pandemic.
Sa katunayan, sinabi ni Concepcion na may nakatakda siyang pagpupulong kasama ang mga eksperto sa larangan ng medisina, pananaliksik at ekonomiya upang pag-usapan ang kanilang mga payo sa pribadong sektor hinggil sa “shifting to normalcy.”
Kabilang sa mga eksperto ay sina infectious disease expert Dr. Rontgene Solante, National Task Force (NTF) Against COVID-19 adviser Dr. Teodoro “Ted” Herbosa, DOH Technical Advisory Group member Edsel Salvana, at OCTA research fellows Dr. Michael Tee, Dr. Guido David at Fr. Nic Austriaco, at ang ekonomistang si Romy Bernardo.
“So these doctors and data analysts will meet this afternoon and align [their] message and of course their advice to the private sector as well. We are facing these price increases and we want to make sure ‘yung alert levels natin will continue to be where it is,” ayon kay Concepcion.
“And hopefully, ang isang recommendation naming is eventually setting it aside but what are the parameters that will happen before we totally remove alert levels so those are the things we will be discussing,” dagdag na pahayag nito.
Sinabi pa ni Concepcion, may pangangailangan na pag-usapan ang proseso ng “transitioning out to a public state of emergency.”
“How do we transition out from the public state of health emergency, we cannot be forever in the public state of emergency, how do we shift now to the removal of that? It will take time,” ayon kay Concepcion.
“We have to start thinking along the line of preparing the move from pandemic to endemic. So it’s not overnight that you can say okay tanggalin na natin ang public state emergency hindi ganyan, so it is a process and we have to start discussing that,” aniya pa rin.
Nauna rito, pinalawig ni Pangulong Rodrigo Roa Duterte ang state of calamity ng hanggang Setyembre 12, 2022 sa bansa bunsod ng patuloy na pagtaas ng kaso at banta ng coronavirus variants. (Daris Jose)
-
Kailangan lang na maging masaya muna: XIAN, hindi na sinagot ang ibang personal na tanong
NANANATILING Kapamilya si Jameson Blake na nasa pangangalaga pa rin ng Star Magic ng ABS-CBN. May bago siyang serye pero hindi pa niya puwedeng i-reveal ang mga detalye tungkol dito. Lahad ni Jameson, “It’s still under discussion pa. Pero yun, I’ll be doing a teleserye soon with ABS-CBN. I’m also doing another film. […]
-
Chinese tennis star Peng Shuai binawi ang pahayag na may inakusahan itong dating opisyal ng sexual assault
ITINANGGI ngayon ni Chinese tennis player Peng Shuai na mayroong siyang inakusahan ng sexual assault. Sinabi nito na wala itong inakusahan na nag-sexual assault ito sa kaniya. Nauna rito naging malaking usapin ang social media post ng three-time Olympian noong Nobyembre na nag-aakusa ng sexual assault laban kay dating Chinese vice […]
-
POC, muling tiniyak na isasabak ng PH si EJ Obiena sa SEAG at Asiad kahit ayaw ng Patafa
MULING tiniyak ngayon ni Philippine Olympic Committee (POC) president at Rep. Abraham Tolentino ang kanilang pag-iendorso sa kontrobersiyal na Pinoy Olympian at pole-vaulter EJ na Obiena na isasama nila ito sa nalalapit na Hanoi Southeast Asian Games (SEAG). Ito ay sa kabila na initsapuwera na ng Philippine Athletics Track and Field Association (Patafa) […]