Contingency plan sa El Niño, gawin – Sen. Win
- Published on March 13, 2024
- by @peoplesbalita
NANAWAGAN si Sen. Win Gatchalian sa Department of Energy (DOE) na gumawa ng mga contingency plan ngayong painit nang painit ang panahon para matiyak ang tuluy-tuloy na suplay ng kuryente sa gitna ng El Niño phenomenon.
Ayon sa PAGASA, inaasahang mararanasan ng bansa ang rurok ng El Niño ngayong summer season.
Sinabi ni Gatchalian, vice-chairperson ng Senate Committee on Energy, na noong 2022 humigit-kumulang 9% ng power capacity ng bansa ay mula sa hydroelectric power plants.
“Ang epekto ng El Niño ay magiging isang malaking problema hindi lamang sa usapin ng seguridad sa pagkain, kundi pati na rin sa seguridad sa enerhiya. Malaking bahagi ng ating hydro areas ang makakaranas ng tagtuyot, at mababawasan ang kanilang output na magkakaroon ng epekto sa ilang bahagi ng bansa, kaya kailangan ng contingency plan lalo na’t parating na ang mas mainit pang mga buwan,” ani Gatchalian.
Upang mapawi ang epekto ng mas tuyong kondisyon ng panahon, kailangang tiyakin ng DOE na ang lahat ng kinakailangang pagkukumpuni at preventive maintenance ay maisagawa na upang maiwasan ang brownout.
Binigyang-diin ng mambabatas na ang mga planta ng kuryente ay madaling bumigay pagdating ng tag-init dahil sa mas mataas na demand. (Richard Mesa)
-
11 sabungero timbog sa tupada sa Navotas, Valenzuela
UMABOT sa labing-isang indibidwal ang nadakma ng mga awtoridad isinagawang anti-illegal gambling operation sa magkahiwalay na lugar sa Valenzuela at Navotas Cities. Ayon kay PMSg Julius Mabasa, nakatanggap ng impormasyon mula sa concerned citizen ang District Special Operation Unit ng Nothern Police District (DSUO-NPD) sa ilalim ng pangangasiwa ni PLt. Col. Jay Dimaandal […]
-
PBBM naglabas ng P173-M standby funds para sa apektado ng Super Typhoon Egay
PINATITIYAK ni Pang. Ferdinand Marcos na nakahanda na ang P173 million standby-fund na gagamitin para sa halos 40,000 pamilyang apektado ng Super Typhoon Egay. Ipinag-utos na rin ng Pang. Marcos ang deployment ng mga search and rescue teams sa mga lugar na lubhang naapektuhan ng super typhoon. Nananatiling nakatutok ang Pangulo […]
-
Saso ibabalik ang bangis
NAWALA SA ang pamatay na porma ni Yuka Saso kaya nagdaang limang torneo’y isang top 10 lang ang pinakamataas na tinapos sa 12th Ladies Professional Golf Association (LPGA) of Japan Tour 2020, magbuhat nang makadalawang sunod tagumpay sa mayamang paligsahan sa kontinente. Desidido ang 19-anyos na Fil-Japanese na tubong sa San Ildefonso, Bulacan na […]