Dagdag kontribusyon idinepensa ng PhilHealth
- Published on March 7, 2024
- by @peoplesbalita
IDINEPENSA ng Philippine Health Insurance Corp. (PhilHealth) ang isinusulong nilang mas mataas na kontribusyon para sa kanilang mga miyembro at sinabing kinakailangan ito para sa kanilang plano na palawakin pa ang kanilang coverage.
Ayon kay PhilHealth CEO Emmanuel Ledesma Jr., sa ilalim ng kanilang planong expansion of coverage, hindi na kakailanganin pa ng kanilang mga miyembro at benepisyaryo na magbayad pa sa pagpapagamot para sa ilang karamdaman.
“Marami kaming nakalatag na enhancements na siguradong mararamdaman ng mga miyembro dahil sa mas mababang bayarin sa ospital, kung hindi man wala nang babayaran pa,” ani Ledesma.
Aniya pa, ira-rationalize ng PhilHealth ang case rates para sa bronchial asthma at bacterial sepsis sa mga bagong silang na sanggol at COVID-19 inpatient benefits.
Makakaasa rin umano ang mga benepisyaryo ng mas mahusay na packages para sa severe acute malnutrition sa mga batang edad limang taon at pababa, gayundin ng serbisyo para sa physical medicine at rehabilitasyon.
Isa pa umano sa mga benepisyo na dapat abangan ay ang enhancement ng peritoneal dialysis sa ilalim ng Z Benefits Package.
Paliwanag pa ni Ledesma, “This is where the importance of adjusting our contribution rates comes into play. It will generate funds necessary for us to complete our benefit plans, and more importantly to sustain the reforms in the benefit packages. ”Matatandaang ang kontribusyon ng PhilHealth members ay tataas ng hanggang 5% ngayong taon, mula sa dating 4%.
Una na ring sinabi ni Ledesma na hindi tutol si Pang. Ferdinand Marcos Jr. dito ngunit nirerepaso pa niya ito.
(Daris Jose)
-
DEPRESYON AY KAMATAYAN
NITONG nakalipas na linggo, halos sunud-sunod ang naiulat na kaso ng pagpapakamatay na kabilang sa pinakahuling naitala ay ang estudyanteng lalaki na tumalon mula sa pinakatuktok ng gusali ng isang city hall. Tulad ng inaasahan, mabilis na kumalat ang balita sa pamamagitan ng social media kung saan bukod sa mga larawan ay may video […]
-
Commission on Human Rights, sinimulan na ang imbestigasyon sa pangho-hostage kay ex-Sen. De Lima at pagkamatay ng mga suspek
SINIMULAN na raw ng Commission on Human Rights (CHR) ang kanilang motu proprio investigation sa insidenteng naging daan para sa i-hostage si dating Senator Leila de Lima na kasalukuyang nakapiit sa PNP-Custodial Center sa Camp Crame. Kasama rin sa mga iniimbestigahan ang pagkamatay ng tatlong persons under police custody (PUPCs) na mga hostage-takers […]
-
Harassment ng Tsina sa Pinas, concern sa Europa- German FM Baerbock
SINABI ni German Foreign Minister Annalena Baerbock na itinuturing ng Europa na isang malaking “concern” ang mapanganib na pagmamaniobra ng Tsina sa Philippine vessels sa South China Sea. Para kay Baerbock, ang ginawa ng Tsina ay malinaw na paglabag sa international laws at balakid sa freedom of navigation. “I think we […]