Dahil nagpapatayo na rin ng bahay nila ang boyfriend: BARBIE at JAK, binibiro ng mga kaibigan kung kailan na ikakasal

HAPPY and thankful si Kapuso Hunk actor Ruru Madrid nang maging birthday gift na rin niya on his 25^th birthday last December 4, ang screen test niya ng next project niya sa GMA Network, ang “The Write One,” na ipu-produce ng GMA News & Public Affairs, sa primetime.

“Excited po ako, dahil after four years na namin ng relasyon ni Bianca (Umali), first time lamang naming magtatambal sa isang teleserye,” kuwento ni Ruru sa Chika Minute ng “24 Oras.”

“It was refreshing, ngayon po lamang nag-sink-in sa akin na finally we will be working together,” say naman ni Bianca.

“Nakakatuwa dahil nakita ko ang ibang side ni Bianca, ngayong magkatrabaho na kami, nakita ko kung paano magtrabaho si Bianca, alam ko marami akong matututunan sa kanya.

“Sa unang eksena namin ng screen test, na napakahaba, parang nag-taping ako ng isang araw, very challenging, iba talaga, diin na diin, napakahusay niya, ang galing niyang umarte, tiyak marami akong matututunan sa kanya.”

“Ako naman po, I’m preparing myself, more mentally, professionally, we are lovers po kasi sa story,” dagdag naman ni Bianca.  “I’m thankful na after four years magkatambal na kami ni Ruru sa serye.”

***

LABIS ang pasasalamat ni Kapuso actor Jeric Gonzales, dahil nasa last three weeks pa ang kanilang Pinoy adaptation ng K-drama na “Start-Up PH” nila nina Alden Richards, Bea Alonzo at Yasmien Kurdi, heto at nag-attend na siya ng story conference ng next project niya sa GMA Network, ang “Urduja Files.”

Makakasama naman niya sina Kylie Padilla, Sanya Lopez, Gabbi Garcia at Vin Abrenica. Ka-join din nila sa storycon sina Arra San Agustin, Kristoffer Martin, Michelle Dee, Rochelle Pangilinan at si Zoren Legaspi

Mukhang sa bagong seryeng gagawin ni Jeric, mapapasabak naman siya sa mga action scenes, tulad ng mga paghahandang ginagawa nina Gabbi, Sanya at Kylie na dumaraan na sa martial arts at arnis training.

The series will be directed by Jorron Lee Monroy.

 ***

BIDANG-BIDA si Kapuso Primetime Princess Barbie Forteza sa “Maria Clara at Ibarra” at marami talagang humahanga sa character niya bilang ang Gen Z na si Klay na pumasok sa daigdig ng Noli Me Tangere.

Kahit sa Virtual Watch Party na organized ng GMA Pinoy TV sa USA, ay hinangaan si Barbie ng mga Pinoys doon na na-educate daw sila ng tungkol sa Noli me Tangere.

Live na nakausap sina Barbie, Julie Anne San Jose at Dennis Trillo ng mga Pinoy na nag-attend na nakasuot din ng Filipino dresses.

Meanwhile, binibiro ng mga friends nina Barbie at boyfriend na si Jak Roberto kung kailan ba ang kasal?  Paano, si Barbie ay nagpapatayo na ng bahay para sa parents niya, samantalang si Jak ay nagpapatayo naman ng bahay para sa kanila ni Barbie.

Pero wala pa namang balak na magpakasal agad sina Barbie at Jak dahil may mga kasunod pa silang projects na gagawin sa GMA Network.

(NORA V. CALDERON)