DAHIL SA SELOS, LALAKI, KINATAY ANG LIVE-IN PARTNER

DAHIL sa selos at pagtangging muling magkabalikan, pinatay ang  isang 31-anyos na dalaga habang inoobserbahan ang kasama nito sa bahay  nang pagsasaksakin ng kanyang dating live-in partner saka rin ito nagsaksak sa sarili sa Imus City, Cavite Huwebes ng hapon,

Kinilala ang biktima na si Janna Harodin Jama ng Ramirez Compound Brgy. Buhay na Tubig, Imus City, Cavite  na namatay sa pinangyarihan ng insidente dahil sa tama ng saksak sa katawan habang kritikal naman ang kasamahan niya sa compound na si  Jovelyn Grama Lucero, nasa wastong edad.

Ginagamot naman sa ospital ang suspek na si Roger Sta Ana Pahayahay, 54, isang welder ng B6 Lt 47 Kasiglahan Village San Jose, Rodriguez, Rizal matapos na nagsaksak sa sarili.

Sa ulat ni PSMSgt Luis Divina ng Imus City Police Station, als-2:40 ng hapon nang pinuntahan ng suspek ang biktima na dati nitong live-in partner sa kanyang bahay sa Ramirez compound,  Buhay na Tubig, Imus City, Cavite at sinsuyo na magkabalikan ulit silla subalit  tumanggi na sumama ulit ang biktima sa kanya dahilan upang pagsasaksin ni Pahayahay si Jana.

Nauna pa man dito, habang nagtatalo ang dating mag-live in ay tinangka ni Jovelyn na mamagitan sa kanilang pag-aaway subalit maging siya man ay pinagsasaksak din ng suspek.

Nang nakitang kapwa duguan at  nakahandusay ang dalawa, tinangka naman ang suspek na magsaksak sa sarili.

Namatay noon din si Janna habang isinugod sa Las Piñas General Hospital and Satellite Trauma Center  si Jovelyn habang sa Ospital ng Imus isinugod ang  suspek.

Ayon kay Divina, sinusundo ng suspek ang dati nitong live-in partner at muli silang magsama subalit tumanggi ang biktima.

Nabatid pa na tatlong taon din na nagsama ang biktima at suspek at may isa silang anak subalit naghiwalay sila dahil nananakit umano ang suspek. May kinakasama na rin ang biktima. (GENE ADSUARA )