Dahil sa world-class acting sa ‘Royal Blood’… RHIAN, waging best actress sa 4th TAG Awards Chicago

ITINANGHAL na Best Actress sa 4th TAG Awards Chicago si Kapuso actress Rhian Ramos para sa murder mystery series na “Royal Blood.”

Nasungkit ni Rhian ang parangal para sa kanyang world-class acting bilang si Margaret Royales.

Tumatak sa viewers ang palaban at mysterious role na ito ni Rhian, na siya ring main culprit sa pagkamatay ni Gustavo Royales, played by Mr. Tirso Cruz III.

Samantala, magkakaroon si Rhian ng special participation sa upcoming GMA drama na “Pulang Araw” na magsisimula na ngayong July 29 sa GMA Prime.

***

NAGING wise ang tatlong magkakaibigan na Sparkle hunks na sina Prince Clemente, Migs Villasis at Kirst Viray dahil nagtayo sila ng restaurant sa Quezon City na Mangan-tila na salitang Pangasinense, na ang ibig sabihin ay “kain tayo.”

Naniniwala ang tatlo na hindi forever ang showbiz kaya habang kumikita sila, nilagay nila sa resto business ang kanilang pera.

Tulong-tulong daw sila, kasama ang iba pa nilang co-owner, sa pagkonsepto sa restaurant. Si Prince, mahilig sa mga Mediterranean dishes kaya naipasok niya sa menu ang chicken biryani. Si Migs naman, naiambag ang baby back ribs at rib-eyed steak. Si Kirst naman ang nagkonsepto ng pigar-pigar at kaleskes, na lamang-loob ng baka na parang papaitan.

Busy man sa kanilang showbiz career, tinitiyak nilang nilalaanan pa rin nila ng oras ang kanilang negosyo. Kung sino raw sa kanila ang walang taping or shooting, nasa restaurant sila para mag-supervise at i-greet ang kanilang customers.

Ayon nga kay Migs: “Dapat talaga hands on ka sa business mo, hindi ‘yung iaasa mo lang sa staff mo, sa crew mo ‘yung pagpatakbo ng restaurant. Kasi kapag ganoon po, hindi mo namamalayan nalulugi na pala ‘yung restaurant mo.”

***

NI-REVEAL ng Hollywood singer-actress Vanessa Williams na divorced na sila ng husband niyang si Jim Skrip. Naging tahimik ang divorce nila noong 2021.

Six years din ang tinagal ng marriage nila. Nagkakilala sila sa isang cruise vacation in Egypt. Dahil daw sa marami na silang di mapagkasunduan kaya nauwi sa divorce ang pagsasama nila.

Williams was previously married to Roman Harvey II (1987-1997) and Rick Fox (1999-2004).

“I’m doing what I love, and I’m in love with life. There is not one person that I’m in love with, but I’m in love with everybody,” sey ni Vanessa na mapapanood sa West End musical na The Devil Wears Prada in October 2024.

(RUEL J. MENDOZA)