Dahil sold out na ang ‘Videoke Hits: OPM Edition’… Birthday concert ni ICE, nagdagdag pa ng isang show sa November 8
- Published on September 9, 2024
- by @peoplesbalita
ISANG linggo bago matunghayan ang inaabangang birthday concert ni Ice Seguerra, Videoke Hits: OPM Edition, sa Setyembre 13, pero sold out na agad ang tickets!
Para sa mga hindi nakabili ng ticket, may chance pa para makisaya dahil nagdagdag pa ng isang show sa Nobyembre 8, 2024, sa Music Museum.
Sa pangatlong edisyon ng Videoke Hits concert series ni Ice, puno ng iconic OPM hits ang immersive experience na ito. Pagsasamahin ng concert ang saya ng karaoke at ang energy ng isang live performance, na siguradong magbibigay ng hindi malilimutang rendisyon ng mga paboritong OPM.
Kasama sa lineup ang mga kantang tulad ng “Gento” ng SB19 at ang dance performance ni Ice sa “Salamin-Salamin” ng BINI. Magpe-perform din si Ice ng sarili niyang rendition ng “Isang Linggong Pag-ibig” at “Anak” ni Freddie Aguilar sa pinakahihintay na ICE-FIED segment.
Nagpahayag ng kanyang pasasalamat si Ice para sa napakalaking suporta: “Hi guys! Ngayon pa lang, gusto ko pong magpasalamat sa napakagandang birthday gift ninyo sa akin. Pramis, gagalingan ko talaga para sa inyong lahat! At dahil ang dami pang gustong maki-jam, nagdagdag kami ng bagong date para sa isa pang VIDEOKE HITS OPM EDITION.”
Dahil nga sa napakalaking demand, may isa pang show sa Nobyembre 8, 2024, para mabigyan ng pagkakataon ang mga fans na makisaya at maki-kanta sa ultimate sing-along concert.
Available na ang tickets para sa ‘Videoke Hits: OPM Edition: Isa Pa’ mula ₱1,500 hanggang ₱7,000, kasama ang special perks para sa VVIP gaya ng Soundcheck Experience at Meet & Greet.
Ang Ticket Prices: VVIP: ₱7,000 (With Soundcheck Experience + Meet & Greet + Signed Poster), VIP: ₱5,000, Gold: ₱4,000, Patron: ₱3,500, Orchestra Side A: ₱3,000. Orchestra Side B: ₱2,000, Balcony: ₱1,500
Add-ons para sa kahit anong ticket: Soundcheck Experience (1 Oras): ₱1,500, Meet & Greet: ₱1,000
Para sa ticket inquiries, kontakin ang Fire and Ice LIVE! sa 0917-542-0303 o bisitahin ang www.ticketworld.com.ph.
(ROHN ROMULO)
-
Unang paglipad ni ‘Darna’, pinag-usapan at nag-trending: Costume ni JANE, nilait-lait dahil pansin na mas pinaghandaan ang suot ni IZA
PAGKATAPOS na lumipad ni Jane de Leon bilang Darna last Friday na pinag-usapan dahil nag-trending ang eksena, inilabas na ang poster ng ‘Darna’ at cover ng Metro online magazine. May mga pumuri naman pero may nanglalait pa rin, na parang hindi pa rin maka-move on at heto nga’t nilunok ni Narda ang bato at […]
-
Substitute bill para sa proteksyon ng mga turista at pinag-ibayong serbisyo, aprubado
Inaprubahan ng House Committee on Tourism ang substitute bill sa apat na panukala na naglalayong bigyan ng proteksyon at pinag-ibayong serbisyo ang mga turista. Ito ay House Bill 1206 ni Rep. Juan Miguel Macapagal Arroyo, HB 3684 ni Rep. Jake Vincent Villa, HB 3954 ni Rep. Alfred Vargas at HB 4839 ni Rep. Francisco […]
-
COVID-19 positivity rate sa bansa bahagyang bumaba sa 18.6% – OCTA Research
BAHAGYANG bumaba sa 18.6% ang kabuuang bilang ng Covid-19 positivity rate sa bansa batay sa pinakahuling ulat ng OCTA Research. Sinabi ni Octa Research fellow Guido David, na bumaba na ito sa 18.6% mula sa dating 19.4 percent noong nakaraang araw. Batay sa kasalukuyang datos ng Department of Health , iniulat […]